Maa Gyihova Ɛhilehile Wɔ

DEƐMƆTI ƆHYIA LA: Kilehilevolɛ Kpole Kpalɛ ne, Gyihova kilehile yɛ ninyɛne mɔɔ tɛla biala la. Ɔkilehile yɛ kɛzi yɛbahola yɛanyia ɛbɛlabɔlɛ kpalɛ na yɛanyia kenle bie mɔɔ yɛ anyelielɛ la​—yɛndua ɛhye anwo ɛhwee! (Ay 11:6-9; 30:20, 21; Ye 22:17) Ngilehilelɛ mɔɔ Gyihova fa maa yɛ la eza boa yɛ maa yɛkola yɛka ngoanelielɛ edwɛkɛ ne yɛkile awie mɔ.​—2Kɔ 3:5.

KƐZI BƐYƐ YE LA:

• Nyia mɛlɛbɛnwoaze subane.​—Ed 25:8, 9

• Die ndetelɛ mɔɔ Gyihova ɛlɛfa amaa wɔ kɛkala la to nu. Kɛ neazo la fa ɛ nwo wula sukoavo gyimalilɛ mɔɔ bɛyɛ ye wɔ dapɛne avinli nyianu ne abo la anu

• Fa sunsum nu bodane sie ɛ nye zo.​—Fe 3:13

• Fa ninyɛne bɔ afɔle amaa wɔafɛta wɔamaa ndetelɛ gyɛne.​—Fe 3:8

NEA GYIHOVA NGILEHILELƐ MAA YƐNYIA YƐ NWO WƆ SUNSUM NU VIDIO NE, NA AKEE BUA KPUYA ƐHYE MƆ:

• Ngyegyelɛ boni mɔ a nolobɔlɛma bie mɔ gyinlanle ɔ nloa amaa bɛahola bɛahɔ Belemgbunlililɛ Edwɛkpakavolɛma Sukulu ne bie a?

• Ndetelɛ boni a Belemgbunlililɛ Edwɛkpakavolɛma Sukulu ne maa yɛnyia a?

• Kɛzi asafo ne anu amra boale sukoavoma bie mɔ mɔɔ bɛwiele sukulu ne la wɔ bɛ gyimalilɛ fofolɛ ne anu ɛ?

• Ninyɛne boni a ɔwɔ kɛ awie dwu nwo kolaa na yeahola yeahɔ Belemgbunlililɛ Edwɛkpakavolɛma Sukulu ne bie a? (kr 189)

• Ndetelɛ gyɛne boni a ɛbahola wɔava wɔazie ɛ nye zo wɔ Gyihova ahyehyɛdeɛ ne anu a?