Boa Wɔ Abusua Ne Maa Bɛhakye Gyihova

Bɛzoanle Gyɛlɛmaya kɛ ɔbɔ ɛzɛkyelɛ mɔɔ bara Dwuuma anwo zo la anwo nolo ɔluakɛ bɛ rɛle vile Gyihova, bɛ Nyamenle ne la ati. (Gyɛ 13:25) Kɛ ɔyɛle mɔɔ maanle ne sunsum nu gyinlabelɛ zɛkyele zɛhae ɛ? Ɛnee Yizilayɛ mbusua ne sunsum nu gyinlabelɛ ɛzɛkye. Ɔda ali kɛ ɛnee mbusua tile ne mɔ ɛnli Gyihova adehilelɛ mɔɔ wɔ Mɛla ne 6:5-7 la azo.

Ɛnɛ, mbusua mɔɔ bɛ nwo yɛ se wɔ sunsum nu la a maa yɛ asafo ne mɔ anwo yɛ se a. Mbusua tile bahola aboa bɛ mbusua amaa bɛahakye Gyihova ɔlua Abusua Ɛzonlenlɛ ngyehyɛleɛ kpalɛ mɔɔ bɛbayɛ na bɛayɛ ye dahuu la azo. (Ed 22:27) Saa bɛnea “Mɛla Ɛhye . . . Ɛdɛnla Bɛ Ahonle Nu”​—Mbusua Edwɛkɛbizebizalɛ vidio ne bɛwie a, maa bɛye kpuya ɛhye mɔ anloa:

• Kɛzi mbusua bie mɔ ɛhola ɛli abusua ɛzonlenlɛ nwo ngyegyelɛ nwo gyima ɛ?

• Nvasoɛ boni mɔ a wɔ Abusua Ɛzonlenlɛ nwo ngyehyɛleɛ kpalɛ mɔɔ bɛyɛ na bɛyɛ ye dahuu la azo a?

• Duzu ngyegyelɛ a melɛ ye wɔ abusua ɛzonlenlɛ nwo a, na kɛzi medi nwolɛ gyima ɛ?