Anwoziezielɛ Nwo Hyia Amaa Yɛahilehile Kpalɛ

Bɛbizale Gyisɛse dahuu ngoane nwo kpuya kɛyɛ fane nwiɔ, noko wɔ biala anu ye mualɛ ne lile ahenle mɔɔ bizale kpuya ne la ngyianlɛ nwo gyima. (Luku 10:25-28; 18:18-20) Ɛhye ati, bie a yɛze buluku ne anu edwɛkɛ ne kpalɛ, noko ɔwɔ kɛ yɛdimoa yɛsiezie yɛ nwo yɛmaa yɛ sukoavo ne. Ɛleka boni a bayɛ se amaa ye kɛ ɔbade ɔ bo anzɛɛ ɔbalie yeado nu a? Ngɛlɛlera boni mɔ a ɔwɔ kɛ yɛ nee ye kenga a? Ɛdendɛkpunli nyɛ a ɔwɔ kɛ yɛsukoa ye kenle ko a? Bie a ɔwɔ kɛ yɛyɛ ndonwo, yɛkilehile edwɛkɛ nu anzɛɛ yɛbiza kpuya ngakyile mɔɔ baboa sukoavo ne yeamaa yeade edwɛkɛ ne abo la. Bieko, kɛmɔ yɛze kɛ Gyihova a maa nɔhalɛ ne nyi wɔ awie ahonle nu la ati, ɔwɔ kɛ yɛsɛlɛ Gyihova moalɛ amaa yɛahola yɛaziezie yɛ nwo kpalɛ. Eza ɔwɔ kɛ yɛsɛlɛ bie yɛmaa yɛ sukoavo ne, yɛɛ mɔdenle mɔɔ yɛbɔ kɛ yɛboa ye wɔ sunsum nu la.​—1 Kɔl. 3:6; Gye. 1:5.