Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ May

“Yɛva mekɛ ekyi yɛra ɛke kɛ yɛbaha edwɛkɛ sikalɛ bie mɔɔ yɛ anyelielɛ la anwo edwɛkɛ. [Fa kpuyia mɔɔ lumua mɔɔ wɔ May 1 Ɛzinzalɛ Arane ne anzi la kile ye.] Kɛzi ɛdwenle nwo ɛ?” Maa ɔbua. Bɛbɔ nu bɛzuzu edwɛkɛ mɔɔ wɔ kpuyia ne abo la yɛɛ ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia mɔɔ doa zo la anwo.

Ɛzinzalɛ Arane May 1

“Yɛva mekɛ ekyi yɛra ɛke ɔluakɛ menli dɔɔnwo anye die mɔɔ bazi kenlebie la anwo. Saa ɛdwenle mɔɔ bazi kenlebie la anwo a, kɛzi ɛte nganeɛ ɛ? Ɛ nye la debie kpalɛ ade anzɛɛ ɛzulolɛ ɛha wɔ ɔ? [Maa ɔbua. Akee kenga ngɛlɛlera ko mɔɔ wɔ ɛlɛka ne mɔɔ se, “Mɔɔ Nyamenle Ɛhile Kɛ Ɔbazi Kenlebie La” anu.] Magazine ɛhye ka ninyɛne bie mɔ mɔɔ Nyamenle se ɔbazi la na ɔkilehile deɛmɔti yɛbahola yɛalie yɛali kɛ bɛbazi la anu.”

Awake! May

“Yɛlɛfa mekɛ ekyi yɛaboa menli yɛamaa bɛali bɛ ngyegyelɛ nwo gyima. Ɛnea a ɛnɛ, menli yia ngyegyelɛ dɔɔnwo tɛla mekɛ bie mɔɔ ɛze ɛhɔ la ɔ? [Maa ɔbua.] Menli dɔɔnwo ɛnwu kɛ folɛdulɛ kpalɛ mɔɔ wɔ Baebolo ne anu la boa bɛ maa bɛkola bɛgyinla ngyegyelɛ nloa. Neazo ko ɛne. [Kenga Mateyu 6:34.] Magazine ɛhye kilehile kɛzi Baebolo ngyinlazo kola boa yɛ maa yɛgyinla ngyegyelɛ nna mɔɔ ɛbu zo anloa la anu.”

Bɛyɛ ye nzonlɛ: Gualilɛma anye balie magazine ɛhye anwo titile.