Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ February

“Menli mɔɔ yɛ nee bɛ tendɛ la lɛ Baebolo ne anwo adwenle ngakyile. Bie mɔ die di kɛ ɔle Nyamenle Edwɛkɛ, bie mɔ noko bu ye kɛ ɔle kɛ buluku bie ala. Kɛzi ɛbu Baebolo ne ɛ?” Maa ɔbua. Fa February 1 Ɛzinzalɛ Arane ne anzi kile ye, na bɛbɔ nu bɛzukoa edwɛkɛ mɔɔ lumua mɔɔ wɔ kpuyia mɔɔ lumua la abo yɛɛ ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia bieko mɔɔ doa zo la anwo.

Ɛzinzalɛ Arane February 1

“Menli dɔɔnwo kpondɛ kɛ bɛnwu kɛ konle bo ɛpɛ. Ɛdwenle kɛ ewiade mɔɔ anzondwolɛ wɔ nu la bara ɔ? [Maa Ɔbua.] Tie ɛwɔkɛ mɔɔ wɔ Ngɛlɛlera ne anu la. [Kenga Edwɛndolɛ 46:9.] Ɔyɛ anyelielɛ kɛ edwɛkɛ mɔɔ sisile wɔ Ewiade Konle 1 yɛɛ yemɔ anzi maa yɛnyia anwodozo kɛ ɔnrɛhyɛ Nyamenle bamaa ngapezo ɛhye ara nu na yeamaa konle bo apɛ bɔkɔɔ. Magazine ɛhye kilehile nu.”

Awake! February

“Yɛra ɛke kɛ yɛbaha ngyegyelɛ mɔɔ yɛ muala yɛlɛ la anwo edwɛkɛ sikalɛ. Ɔzɔho kɛ yɛnnyia mekɛ dɔɔnwo yɛnva yɛnyɛ debie biala. Ɛdwenle kɛ kɛmɔ yɛyɛ ninyɛne dɔɔnwo anzɛɛ yɛsɛkye mekɛ dɔɔnwo la ati a yɛnlɛ alagye ɔ? [Maa ɔbua.] Menli dɔɔnwo ɛnze kɛ Baebolo ne tu folɛ kpalɛ mɔɔ baboa yɛ na yɛanzɛkye mekɛ la. Neazo ko ɛne. [Kenga Felepaema 1:10a.] Magazine ɛhye ka ninyɛne nna mɔɔ ɛboa menli dɔɔnwo ɛmaa bɛva bɛ mekɛ bɛli gyima nrɛlɛbɛ nu la anwo edwɛkɛ.”