Ngakyelɛlilɛ Ɛsalɛdolɛ Ne Babɔ Ɔ Bo March 22

Ɛvolɛ ɛhye yɛbabɔ ɔ bo yɛado ɛsalɛ yɛavɛlɛ menli yɛamaa bara Ngakyelɛlilɛ ne bie wɔ Folɛ, March 22. Bɛlɛmaa awie biala anwosesebɛ kɛ ɔva ɔ nwo ɔwula nu. Ɔdwu dapɛne awieleɛ a yɛbava magazine fofolɛ mɔɔ ɛra la yɛamaa kɛmɔ ɔfɛta la. Wɔ Folɛ mɔɔ lumua wɔ April la anu, yɛbava yɛ adwenle yɛazie ɛsalɛdolɛ ngɛlata ne azo yɛadɛla kɛ yɛbabɔ Baebolo ɛzukoalɛ bo. Noko akee, saa yɛ nee awie yia na ɔkile nwolɛ anyelielɛ kpalɛ a, yɛbabɔ mɔdenle yɛabɔ Baebolo ɛzukoalɛ bo. Ɛzonlenlɛ gyima zo neavolɛ ne banlea kɛ bɛfa ɛsalɛdolɛ ngɛlata ne mɔ bɛmaa wɔ bagua nu daselɛlilɛ nu a ɔbaboa asafo ne yeamaa bɛado menli dɔɔnwo wɔ azɛlɛsinli ne anu a. Kɛlɛ ɛ nwo amra, ɛ gɔnwo mɔ gyimayɛvoma, sukuluma yɛɛ menli mɔɔ ɛkɔkpɔla bɛ yɛɛ manivolɛ gyɛne mɔɔ ɛkulo kɛ ɛto ɛsalɛ ɛfɛlɛ bɛ la aluma kɛkala, na ɛsalɛdolɛ ne bɔ ɔ bo a wɔamaa bɛ bie. Yɛ nye la kɛ menli dɔɔnwo baraboka yɛ nwo wɔ mekɛ mɔɔ yɛlɛkakye ɛlɔlɛ mgbole nwiɔ mɔɔ bɛla ye ali la.—Dwɔn 3:16; 15:13.