Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ September

“Ahye o. Yɛlɛfa mekɛ ekyi yɛakpɔla bɛ amaa yɛaha debie mɔɔ baboa agyalɛma yeamaa bɛ nye alie la anwo edwɛkɛ. Duzu a ɛdwenle kɛ ɔmmaa agyalɛma anye ɛnlie a?” [Maa ɔbua.] Fa September 1 Ɛzinzalɛ Arane ne anzi kile ye, na bɛzuzu edwɛkɛ mɔɔ wɔ kpuyia mɔɔ lumua la abo nee ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia mɔɔ doa zo la anwo.

Ɛzinzalɛ Arane September 1

“Yɛlɛkpɔla bɛ ɔluakɛ menli dɔɔnwo mɔɔ wɔ yɛ kpalɛ ye azo la ɛnnwu deɛmɔti Nyamenle ɛmaa amaneɛnwunlɛ dɔɔnwo nwo adenle la. Asoo wɔdwenle ɛhye anwo ɛlɛ? [Maa ɔbua.] Ɔyɛ anyelielɛ kɛ Baebolo ne bɔ ɛwɔkɛ kɛ mekɛ bie bara mɔɔ ɛzunlɛ nee nyane bavi ɛkɛ a. [Kenga Yekile 21:4.] Magazine ɛhye ka ninyɛne titile nnu mɔɔ ɔti amaneɛnwunlɛ ɛbu zo ɛnɛ la anwo edwɛkɛ. Eza ɔkile mɔɔ Baebolo ne ka wɔ kɛzi Nyamenle bamaa amaneɛnwunlɛ ara awieleɛ la.”

Awake! September

“Menli bie mɔ dwenle kɛ ɔle kpalɛ kɛ awie mɔɔ ɛtɛgyale la bava ɔ nwo awula nla nu. Bie mɔ te nganeɛ kɛ ɔle ɛtane, na bɛtwe adwenle bɛkɔ kɔkɔbɔlɛ mɔɔ wɔ Baebolo ne anu le kɛ ɛhye la azo. [Kenga 1 Tɛsalonaekama 4:3.] Adwenle boni a ɛlɛ ye wɔ nyɛleɛ ɛhye anwo a? [Maa ɔbua.] Magazine ɛhye kile mɔɔ Baebolo ne ka ye wɔ nla mɔɔ lumua agyalɛ nyunlu anwo la.”