Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ September

“Menli dɔɔnwo lɛ diedi kɛ Nyamenle bava kenle ko abua bɛ ndɛne kɛmɔ bɛ nyɛleɛ de la. Ɛsuzu kɛ Ndɛnebualɛ Kenle ne le debie mɔɔ ɔwɔ kɛ yɛnea ye adenle anzɛɛ yɛsulo ɔ? [Maa ɔbua.] Tie edwɛkɛ ɛhye mɔɔ wɔ ɛke la.” Fa September 1 Watchtower ne maa suamenle ne, na bɛbɔ nu bɛzuzu edwɛkɛ ne mɔɔ wɔ tile ekyi ne mɔɔ lumua wɔ mukelɛ 16 abo la anwo na bɛgenga ngɛlɛlera mɔɔ wɔ nu la ko. Fa magazine ne maa ye na yɛ ngyehyɛleɛ sia kɔ na bɛzuzu kpuyia bieko mɔɔ doa zo la anwo.

The Watchtower September 1

“Wɔ maanle dɔɔnwo anu, bɛyɛ ninyɛne bɛtia mraalɛ na bɛyɛ bɛ basabasa. Ɔyɛ alɔbɔlɛ kɛ, ɛzonlenlɛ nu diedi a ɛmaa yera ye zɔ a. Ɛsuzu kɛ Nyamenle dwenle mraalɛ nwo ɔ? [Maa ɔbua.] Tie mɔɔ Baebolo ne ka kile kunlima kɛ bɛyɛ bɛ ye mɔ la. [Kenga Ɛfɛsɛsema 5:28, 29.] Magazine ɛhye maa yɛnwu mɔɔ Baebolo ne ka wɔ kɛzi Nyamenle bu mraalɛ la anwo.”

Awake! September

“Menli dɔɔnwo ka kɛ bie a nukelea konle anzɛɛ esiane mɔɔ le kɛ ɛwɔlɔra anzɛɛ maanle nu mɔɔ ɛlɛyɛ wuluwulu la bamaa ewiade ne ara awieleɛ kenle ko. Ɛsuzu kɛ zɛhae ndɛnebualɛ nwo edwɛkɛ mɔɔ bɛka la bayɛ zɔ, anzɛɛ ɛsuzu kɛ ɔle nzuzulɛ mgbane ala? [Maa ɔbua.] Baebolo ne bɔ ɛwɔkɛ ɛhye mɔɔ maa arɛlekyekyelɛ la. [Kenga Edwɛndolɛ 37:29.] Magazine ɛhye suzu ndɛnebualɛ nwo neazo bie mɔ nee mɔɔ Baebolo ne ka kɛ ɔbara kenlebie mɔɔ nuhua la ɛkɛ la anwo edwɛkɛ.”