Dahuu Ɛnea Nolobɔlɛ Ɛleka Ne Ɔ?

Mgbanyima, azonvolɛ nee menli mɔɔ lɛ gyimalilɛ wɔ asafo ne anu la nea nolobɔlɛ ɛleka ne dahuu na bɛnwu kenle mɔɔ bɛlɛ gyimalilɛ bie la. Noko akee, menli kɔsɔɔti mɔɔ wɔ asafo ne anu la banwu edwɛkɛ mɔɔ hyia la wɔ ɛkɛ. Asoo ɛze mekɛ mɔɔ ɔbadwu bɛ nwo zo kɛ bɛsiezie Belemgbunlililɛ Asalo ɛkɛ ne a? Asoo maanzinli zo neavolɛ ne anzɛɛ ɔfese ne ɛva kɛlata bie mɔɔ hyia la ɛrɛlɛ asafo ne? Ɛze ɛdendɛlɛ mɔɔ bɛbamaa ye dapɛne ɛhye la edwɛkɛtile mɔɔ ɛbava wɔado ɛsalɛ wɔavɛlɛ wɔ Baebolo sukoavo ne ɔ? Bɛyɛ nzenzaleɛ wɔ debiezukoalɛ ngyehyɛleɛ ne anzɛɛ wɔ wɔ ekpunli ne anu ɔ? Bɛmbɔ edwɛkɛ ɛhye mɔ bie nolo wɔ debiezukoalɛ ne abo, yɛɛ bie a mgbanyima ne mɔ ɛnrɛhola ɛnrɛha nwolɛ edwɛkɛ ɛnrɛhile nolobɔlɛnli biala. Ɛhye ati, ɔwɔ kɛ dahuu ɛnea nolobɔlɛ ɛleka ne. Saa yɛkɔ zo yɛnea ɛkɛ a, yɛbayɛ “debie biala pɛpɛ.”—1 Kɔl. 14:40.