Ngakyelɛlilɛ Ɛsalɛdolɛ Ne Babɔ Ɔ Bo March 1

1. Mekɛ boni a Ngakyelɛlilɛ ɛsalɛdolɛ ne babɔ ɔ bo a, na kɛmɔti a ɛvolɛ ɛhye ɛdeɛ ne bahyɛ ɛ?

¹ Wɔ Yalɛ, March 1, yɛbabɔ yɛ ɛvolɛ biala nolobɔlɛ ne abo yɛava yɛado ɛsalɛ yɛavɛlɛ menli yɛamaa bara Ngakyelɛlilɛ ne bie. Yɛbayɛ Ngakyelɛlilɛ ne wɔ March 26, mɔɔ kile kɛ ɛsalɛdolɛ ne bahyɛ ekyii adɛla ɛvolɛ mɔɔ ɛze ɛhɔ la. Ɛhye bamaa menli dɔɔnwo anyia ɛsalɛdolɛ kɛlata ne bie, titile saa bɛwɔ ɛleka mɔɔ asafo ne lɛ azɛlɛsinli dɔɔnwo la a.

2. Ngyehyɛleɛ boni a bɛbayɛ na yɛanyia ɛsalɛdolɛ kɛlata ne bie yɛava yɛayɛ azɛlɛsinli ne anu gyima ɛ?

² Nwolɛ Ngyehyɛleɛ: Mgbanyima ne mɔ bahile kɛzi bɛbayɛ azɛlɛsinli ne anu gyima la, saa ɔwɔ kɛ bɛgyakyi ɛsalɛdolɛ kɛlata ne bie bɛmaa menli mɔɔ bɛnle sua nu la a bɛbahile. Saa bɛkɔ azua nu wɔ azɛlɛsinli ne anu bɛwie na ɛsalɛdolɛ kɛlata ne bie ka a, bɛbahola bɛava bɛamaa wɔ bagua nu daselɛlilɛ nu. Ɛzonlenlɛ gyima zo neavolɛ ne banlea anwu ye kɛ ɛsalɛdolɛ ngɛlata mɔɔ bɛhile mekɛ nee ɛleka wɔ zolɛ la dɔɔnwo wɔ ɛleka mɔɔ bɛdie mbuluku anzɛɛ magazine mɔɔ nolobɔlɛma bahola alie bie la, noko bɛnrɛva ɛsalɛdolɛ ngɛlata ne kɔsɔɔti bɛnrɛgua ɛkɛ ne kenle ko ala. Ɔwɔ kɛ yɛfa dodo mɔɔ yɛbahola yɛava yɛamaa wɔ dapɛne ko anu la ala.

3. Saa yɛlɛfa ɛsalɛdolɛ kɛlata ne yɛamaa a duzu a ɔwɔ kɛ yɛkakye a?

³ Duzu A Yɛbaha A? Ɔle kpalɛ kɛ yɛka edwɛkɛ sikalɛ, amaa yɛahola yɛ nee menli dɔɔnwo adendɛ. Edwɛkɛ mɔɔ yɛbaha la neazo wɔ mukelɛ 4, yɛbahola yɛahakyi nu na yɛava yɛali gyima wɔ yɛ azɛlɛsinli ne anu. Nɔhalɛ nu, saa suamenle ne die yɛ kɛnlɛma anzɛɛ ɔbiza kpuyia a yɛnrɛyɛ ye ndɛndɛ yɛnrɛvi ɛkɛ. Saa yɛlɛfa ɛsalɛdolɛ kɛlata ne yɛamaa wɔ dapɛne awieleɛ na ɔkɛyɛ boɛ a, yɛbava magazine ne mɔ noko yɛamaa. Wɔ March 2, yɛbava yɛ adwenle yɛazie ɛsalɛdolɛ ne azo yɛadɛla kɛ yɛbayɛ Baebolo ɛzukoalɛ la.

4. Duzu ati a ɔwɔ kɛ yɛyɛ dɔɔnwo wɔ ɛsalɛdolɛ ne anu ɛ?

⁴ Yɛ nye la kɛ menli dɔɔnwo baraboka yɛ nwo bɛamaa yɛali Ngakyelɛlilɛ ne. Ɛdendɛlɛ ne bahilehile sonla holɛ ko mɔɔ Gyisɛse de la anu bɔkɔɔ. (1 Kɔl. 11:26) Ɔbamaa yɛanwu kɛzi ye ewule ne baboa yɛ la. (Wulo. 6:23) Na ɔbazi deɛmɔti ɔhyia kɛ yɛkakye ye la azo. (Dwɔn 17:3) Ɔrɛla ye kɛ yɛbayɛ dɔɔnwo wɔ ɛsalɛdolɛ ne anu!