Dapɛne Ngyehyɛleɛ Maa November 5
DAPƐNE MƆƆ BƆ Ɔ BO NOVEMBER 5
Edwɛne 48 Nee Asɔneyɛlɛ
□ Asafo Baebolo Ɛzukoalɛ:
jr tile 1 ¶1-7 (Mit. 30)
□ Teokelase Ɛzonlenlɛ Sukulu:
Baebolo ɛgengalɛ: Dwowɛle 1-3 (Mit. 10)
No. 1: Dwowɛle 2:17-27 (Mit. 4 anzɛɛ ɔndwu)
No. 2: Ndenle Boni Azo A Yɛbahola Yɛava Mrɛlɛbulɛ 22:3 Yɛali Gyima A? (Mit. 5)
No. 3: Kɛ Ɔkɛyɛ Na Yɛahile Kɛ Yɛbu Gyihova Ahyehyɛdeɛ Ne Ɛ?—rs-E m. 284 ¶3-7 (Mit. 5)
□ Ɛzonlenlɛ Nyianu:
Mit. 10: Mraalɛ Mɔɔ Ka Edwɛkpa Ne La Le Ɛlɔne Kpole. (Edw. 68:11, NW) Adawubɔlɛ mɔɔ gyi 2012 Yearbook ne, mukelɛ 117, ɛdendɛkpunli 2, kɔdwu mukelɛ 118, ɛdendɛkpunli 2; yɛɛ mukelɛ 130, ɛdendɛkpunli 1 kɔdwu mukelɛ 131, ɛdendɛkpunli 2 azo la. Maa tievolɛma ɛha mɔɔ bɛzukoale bɛvile nu la anwo edwɛkɛ.
Mit. 10: Asafo nu ngyianlɛ.
Mit. 10: Nzuzulɛ Mɔɔ Yɛbava Yɛamaa Magazine Ne Wɔ November. Adawubɔlɛ. Fa kɛkɛ 30 kɔdwu 60 ka deɛmɔti menli nye balie magazine ne anwo wɔ azɛlɛsinli ne anu la. Akee maa tievolɛma ɛhile kpuyia mɔɔ yɛ anyelielɛ mɔɔ bɛbabiza wɔ Ɛzinzalɛ Arane ne edwɛkɛ mɔɔ lumua la anwo, na maa bɛhile ngɛlɛlera mɔɔ bɛbagenga la. Maa bɛyɛ zɔhane ala wɔ Awake! ne edwɛkɛ mɔɔ lumua la anwo, saa mekɛ wɔ nu a maa bɛyɛ zɔ wɔ magazine ko biala anu edwɛkɛ ne ko anwo. Maa bɛyɛ kɛzi bɛbava nuhua ko biala bɛamaa la anwo yɛkile.
Edwɛne 15 Nee Asɔneyɛlɛ