Adenle Kpalɛ Mɔɔ Bɛdua Zo Bɛbɔ Belemgbunlililɛ Edwɛne La
Nyamenle azonvolɛ bu edwɛnebɔlɛ kɛ ɔle ahyɛlɛdeɛ kɛnlɛma mɔɔ vi Gyihova ɛkɛ a. (Gye. 1:17) Asafo dɔɔnwo bɔ Belemgbunlililɛ edwɛne mɔɔ ɔ ne wɔ aze la kolaa na bɛayɛ debiezukoalɛ yɛɛ mekɛ mɔɔ bɛkɛkpɔne la. Teokelase edwɛnebɔlɛ le adenle kɛnlɛma mɔɔ bɛdua zo bɛyɛ yɛ akoaba bɛba debiezukoalɛ bo a. Ɔboa ɔmaa yɛsiezie yɛ adwenle kɛ yɛsonle. Bieko, saa bɛbɔ edwɛne fofolɛ mɔɔ wɔ yɛ edwɛne buluku ne anu la a ɔmaa yɛte edwɛne ne na ɔboa yɛ ɔmaa yɛto ye kpalɛ. Saa yɛkpɔne debiezukoalɛ na bɛbɔ edwɛne ne a ɔmaa yɛ nye die na yɛnyia agɔnwolɛvalɛ mɔɔ maa anwosesebɛ la. Ɛhye ati, ɔwɔ kɛ mgbanyima eku muala yɛ ngyehyɛleɛ kpalɛ maa bɛfa Sing to Jehovah—Piano Accompaniment bɛbɔ edwɛne kolaa na debiezukoalɛ ne abɔ ɔ bo yɛɛ mekɛ mɔɔ bɛkɛkpɔne la. Ɔwɔ kɛ bɛnea kɛ edwɛne ne ɛnrɛhɔ anwuma somaa mɔɔ ɔmmaa bɛngola bɛnli adwelie la.