Asoo Wɔziezie Ɛ Nwo Kɛ Ɛbado Edwɛne Wɔamaa Gyihova Wɔ Yɛ Debiezukoalɛ Bo?
1 Saa yɛsiezie yɛ nwo kɛ yɛbanyia kyɛfoa wɔ yɛ debiezukoalɛ ne mɔ anu a ɔkile kɛ yɛziezie yɛ nwo kɛ yɛbado ayɛlɛyelɛ edwɛne. Suzu edwɛkɛ ɛhye mɔ anwo.
2 Te Edwɛkɛ Mɔɔ Wɔ Nu La Abo: Ngɛlɛlera mɔɔ edwɛne ne gyi zo nee ngɛlɛlera bieko mɔɔ bɛhile wɔ edwɛne biala awieleɛ la boa maa bɛnwu Ngɛlɛlera mɔɔ edwɛne ne anu edwɛkɛ ne gyi zo la.
3 Sukoa: Ɛbahola wɔava dapɛne biala Abusua Ɛzonlenlɛ ne foa bie wɔazukoa edwɛne fofolɛ ne. Saa bɛlɛbɔ edwɛne ne mɔɔ bɛhye la wɔ debiezukoalɛ biala abo a, to bie. Ɛbahola wɔadie Sing to Jehovah—Vocal Renditions, Disc 1 na wɔava wɔazukoa edwɛne fofolɛ ne mɔɔ bɛhye la nee nuhua edwɛkɛ ne.
4 Asoo ɛbaziezie ɛ nwo wɔ March 29 dapɛne ne anu mekɛ mɔɔ yɛbabɔ ɔ bo yɛava Sing to Jehovah ne yɛado edwɛne wɔ dapɛne ne anu debiezukoalɛ nee Watchtower Ɛzukoalɛ bo la? Saa ɛnyia mekɛ ɛfa ɛte edwɛkɛ mɔɔ wɔ edwɛne ne anu la abo na ɛsukoa kɛzi bɛto ye la a ɔbahile kɛ wɔziezie ɛ nwo.