Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo December 26, 2011, la anu.

1. Kɛ ɔkɛyɛ na folɛdulɛ mɔɔ wɔ Mrɛlɛbulɛ 30:32 la aboa yɛ amaa yɛangɔ zo yɛanga awie mɔɔ yɛyɛ debie yɛtia ye la ɛya ɛ? [w87-E 5/15 m. 30 ɛden. 11]

2. “Fɛlɛkolilɛ” boni a ɛmmaa sonla kunlu ɛndwo a? (Nolo. 2:1) [g-E 4/06 m. 6 ɛden. 1-2]

3. Menli bie mɔ ka kɛ Sɔlɔmɔn edwɛkɛ ne mɔɔ wɔ Nolobɔvo ne 3:1-9 la kile kɛ bɛhyehyɛ debie biala bɛdo ɛkɛ ɛdeɛ, noko kɛzi mɔɔ ɔhɛlɛle ye wɔ Nolobɔvo ne 9:11 la kilehile edwɛkɛ ne anu maa nuhua da ɛkɛ wienyi kɛ bɛtɛhyehyɛle debie biala bɛtɛtole ɛkɛ ɛ? [w09-E 3/1 m. 4 ɛden. 4]

4. Esiane boni a wɔ nu kɛ awie babu ɔ nwo tenlene “somasoma” ɛ? (Nolo. 7:16) [w10-E 10/15 m. 9 ɛden. 8-9]

5. Kɛzi Sɔlɔmɔn Edwɛne 2:7 kile kɛ nrɛlɛbɛ wɔ nu kɛ menli mɔɔ kulo kɛ gya la tɔ bɛ rɛle aze kpondɛ bɛ bokavolɛ ɛ? [w06-E 11/15 m. 19 ɛden. 1; w80-E 4/15 m. 19 ɛden. 7]

6. Duzu a Hyulam bɛlɛra ne mɔɔ ‘ɔ nloa anwo fɛlɛko le kɛ ndotolo nu nzule fɛlɛko’ na ‘wolɛ nee meleke wɔ ɔ tafinlima abo’ la kile a? (Sɔl. 4:11) [w06-E 11/15 m. 19 ɛden. 6]

7. Kɛzi amodinli ‘Nwanwane Folɛtuvolɛ,’ “Nyamenle Bedevinli,” yɛɛ “Damɛnlangoate Selɛ” maa yɛte subane mɔɔ Gyisɛse lɛ nee ye tumi ne mɔɔ ɔbali wɔ ewiade fofolɛ ne anu la abo ɛ? (Aye. 9:6) [w91-E 4/15 m. 5 ɛden. 7]

8. Nwane a bɛkola bɛfa ye bɛto Yizilayɛ “maanle mɔɔ ɛnze Nyamenle” la anwo ɛnɛ a, na nwane a bayɛ Gyihova “baka” anzɛɛ “kpɔma” mɔɔ ɔbava yeazɛkye ye a? (Aye. 10:5, 6) [ip-1-E m. 145 ɛden. 4-5; m. 153 ɛden. 20]

9. Duzu ati a edwɛkɛ mɔɔ Ayezaya hanle dole ɛkɛ wɔ Babelɔn anwo kɛ “awie ɛnrɛdɛnla nu ɛlɛ” la yɛ nwanwane ɛ, na anwodozo boni a ɔmaa yɛnyia ye ɛnɛ a? (Aye. 13:19, 20) [g-E 11/07 m. 9 ɛden. 4-5]

10. Mekɛ boni a Gyisɛse nyianle “Devidi awuke nu sanvɛ ne” a, na kɛzi yeva yeli gyima ɛ? (Aye. 22:22) [w09-E 1/15 m. 31 ɛden. 2]