Dapɛne Ngyehyɛleɛ Maa May 17

DAPƐNE MƆƆ BƆ Ɔ BO MAY 17

Edwɛne 49

□ Asafo Baebolo Ɛzukoalɛ:

cf tile 4 ¶19-24, ɛlɛka mɔɔ wɔ m. 45

□ Teokelase Ɛzonlenlɛ Sukulu:

Baebolo ɛgengalɛ: 2 Samoɛle 9-12

No. 1: 2 Samoɛle 10:1-12

No. 2: Duzu Ati A Gyisɛse Manle Ye Ngilehilelɛ Ne Gyinlanle Ngɛlɛlera Ne Azo Ɛ? (Dwɔn 7:16-18)

No. 3: Duzu A Baebolo Ne Ka Fane Nvoninli Anzɛɛ Aboduaba Mɔɔ Bɛfa Bɛdi Gyima Wɔ Ɛzonlenlɛ Nu La Anwo A? (rs-E m. 183 ¶1-4)

□ Ɛzonlenlɛ Nyianu:

Edwɛne 12

5 min: Nolobɔlɛ.

10 min: Ɛbahola Wɔayɛ Adekpakyelɛ Boavolɛ Wɔ Mekɛ Mɔɔ Bɛmaa Adenle La Ɔ? Tievolɛma adawubɔlɛ. Bɛzuzu Organized buluku ne mukelɛ 112-113 anwo sikalɛ, na maa bɛnwu debie mɔɔ maa awie fɛta kɛ ɔyɛ bie la. Maa menli mɔɔ vale adenle mɔɔ bɛnyianle ye wɔ gyima anzɛɛ sukulu nu yɛle adekpakyelɛ boavolɛ gyima ne bie la ɛha nyilalɛ mɔɔ bɛnyianle la anwo edwɛkɛ.

10 min: Ndenle Mɔɔ Yɛdua Zo Yɛbɔ Edwɛkpa Ne Nolo—Mgbemgbɛnenu Daselɛlilɛ. Tievolɛma adawubɔlɛ mɔɔ vi Organized buluku ne, mukelɛ 101, ɛdendɛkpunli 2, kɔdwu mukelɛ 102, ɛdendɛkpunli 2 anu la. Maa bɛha anzɛɛ bɛyɛ bɛ ɛkɛ ne mgbemgbɛnenu daselɛlilɛ nwo anwubielɛ ko anzɛɛ nwiɔ mɔɔ yɛ anyelielɛ la.

10 min: “Ɔwɔ Kɛ Keleseɛne Azonvolɛ Yɛ Asɔne.” Kpuyia nee mualɛ adawubɔlɛ.

Edwɛne 67