Mɔɔ Yɛbaha Ye Magazine Ne Anwo

The Watchtower February 1

“Yɛ nuhua dɔɔnwo lɛ yɛ ɛzonlenlɛ. Ɛsuzu kɛ kɛzi yɛkulo kɛ yɛsonle Nyamenle la fane ɔ nwo ɔ? [Maa ɔbua. Akee kenga Mateyu 15:9.] Edwɛkɛ ɛhye suzu nɔhalɛ ɛzonlenlɛ mɔɔ Gyisɛse lale ye ali la afoa nna anwo.” Fa edwɛkɛ ne mɔɔ wɔ mukelɛ 16 la kile ye.

Awake! February

“Bie mɔ die di kɛ Bɔvolɛ bie wɔ ɛkɛ, bie mɔ noko te nganeɛ kɛ diedi zɛhae ko tia abɔdeɛ nwo nrɛlɛbɛ yɛɛ nrɛlɛbɛ ɛnle nu. Kɛzi ɛdwenle nwo ɛ? [Maa ɔbua.] Kɛmɔ Baebolo ne kile la, daselɛ a nɔhalɛ diedi gyi zo a. [Kenga Hibuluma 11:1.] Edwɛkɛ ɛhye suzu daselɛ bie mɔ mɔɔ kile kɛ Bɔvolɛ bie wɔ ɛkɛ la anwo.” Fa edwɛkɛ ne mɔɔ wɔ mukelɛ 22 la kile ye.

The Watchtower March 1

“Ɛbu Baebolo ne kɛ ɔle Nyamenle Edwɛkɛ anzɛɛ ɛsuzu kɛ ɔle buluku kpalɛ ala ɔ? [Maa ɔbua.] Tie mɔɔ Baebolo ne ka la. [Kenga 2 Temɔte 3:16, 17.] Magazine ɛhye ka kɛzi ɔwɔ kɛ yɛbɔ kpɔkɛ kpalɛ wɔ edwɛkɛ ɛhye anwo nee deɛmɔti ɔhyia kɛ yɛyɛ zɔ la anwo edwɛkɛ.”

Awake! March

“Ɔda ali kɛ ɛ nye die abɔdeɛ nu ninyɛne ngɛnlɛma nwo kɛ menli dɔɔnwo la. Asoo ɛdie ɛdi noko kɛ abɔdeɛ maa yɛnwu ngyehyɛleɛ mɔɔ nrɛlɛbɛ wɔ nu la ɔ? [Maa ɔbua. Akee kenga Edwɛndolɛ 104:24.] Magazine ɛhye twe adwenle kɔ abɔdeɛ nu neazo ngɛnlɛma zo na ɔka mɔɔ ɛhye mɔ kile yɛ la anwo edwɛkɛ.”