Ɛzonlenlɛ Gyima Anyuhɔlɛ

Yɛvale adekpakyelɛma dodo mɔɔ tɛla biala—6,023 a yɛbɔle ɛzonlenlɛ ɛvolɛ ne abo wɔ September siane ne anu a! Bieko ɔmaa anwosesebɛ kɛ yɛkɛnwu kɛ yɛlɛnyia anyuhɔlɛ wɔ dɔnehwele dodo, magazine nee Baebolo ɛzukoalɛ ne mɔ anu a. Kɛ neazo la, yɛvale magazine 675,143 yɛmanle wɔ siane ne anu. Ɛhye bo ɛkenle ɛvolɛ ne siane ko ye ala ɛdeɛ ne azo 82,000.

Amaa anyuhɔlɛ ɛhye mɔ anga aze la, bɛlɛmaa mgbanyima anwosesebɛ kɛ dahuu bɛnlea kɛ bɛlɛ magazine nee mbuluku dɔɔnwo wɔ ɛkɛ. Bɛ kɔsɔɔti bɛfɛta nganvolɛ wɔ mɔdenle mɔɔ bɛlɛbɔ wɔ ɛzonlenlɛ gyima ne anu la anwo. Nɔhalɛ nu, “bɛyɔba ne ɛbolo kpole.”—Mat. 9:37.