Ɛzonlenlɛ Nyianu Ngyehyɛleɛ
BƐYƐ YE NZONLƐ: Edwɛkɛ ne mɔɔ se “Fa Kɛzi Ngɛlɛlera ne Bu Ɛzɛneyɛlɛ La Di Gyima” Foa Nna ne vea Yɛ Belemgbunlililɛ Gyima ɛhye anu, na bɛbali nwolɛ gyima wɔ September 15 nee 22 dapɛne ne mɔ anu. Saa bɛlɛ nyianu wɔ dapɛne ɛhye mɔ anu a, ɔwɔ kɛ mgbanyima ne mɔ yɛ ngyehyɛleɛ maa bɛyɛ ye dapɛne fofolɛ nu na bɛfa ye mekɛ ne amuala bɛsuzu nwolɛ.
Dapɛne Mɔɔ Bɔ Ɔ Bo September 8
Edwɛne 204
10 min: Asafo nu nolobɔlɛ. Maa bɛ muala anwosesebɛ kɛ bɛziezie bɛ nwo bɛmaa edwɛkɛ ne mɔɔ vea nu ɛdendɛkpunli 1-8 mɔɔ bɛbazuzu nwo dapɛne bieko la. Siezie ɛ nwo fa magazine fofolɛ ne maa. Biza mediema maa bɛha magazine fofolɛ ne anu edwɛkɛ mɔɔ menli anye balie nwo wɔ bɛ azɛlɛsinli ne anu la. Maa mediema ɛha kpuyia nee ngɛlɛlera mɔɔ bɛbava bɛabɔ adawubɔlɛ bo la. Maa bɛyɛ kɛzi bɛbahola bɛava nwolɛ neazo mɔɔ wɔ Yɛ Belemgbunlililɛ Gyima ne anu bɛali gyima la anwo yɛkile. Maa mgbanyima ne mɔ ko ɛyɛ nuhua edwɛkɛ mɔɔ fɛta bɛ azɛlɛsinli ne mɔɔ yeyɛ kɛ ɔbaha yeava yeabɔ adawubɔlɛ bo la anwo yɛkile sikalɛ.
15 min: Boa Baebolo Sukoavoma Maa Bɛyɛ Kilehilevolɛma. Ɛdendɛlɛ mɔɔ gyi January 15, 2007, Watchtower, mukelɛ 29-30, ɛdendɛkpunli 14-20 azo. Fa nolobɔlɛnli mɔɔ ɛlɛka bagua nu ɛdendɛlɛ nee Watchtower Ɛzukoalɛ ne anwo edwɛkɛ ahile Baebolo sukoavo fofolɛ na yeado ɛsalɛ yeavɛlɛ ye kɛ ɔrɛla bie la anwo yɛkile sikalɛ boka nwo.
20 min: Yɛgyinla Adwenle Ɛtane Nloa wɔ Yɛ Daselɛlilɛ ne Anu. Ɛdendɛlɛ mɔɔ kpanyinli maa, mɔɔ gyi edwɛkɛ mɔɔ bɛhɛlɛ mɔɔ kile kɛzi adwenle ɛtane kola ka yɛ daselɛlilɛ ne la azo. Kilehile kɛzi yɛkola yɛdi adwenle ɛtane zɛhae azo konim la anu. Ɔdwu mekɛ ne bie a yɛ nyɛleɛ wɔ daselɛlilɛ nee alehyenlɛ biala gyimayɛlɛ nu kola boa maa yɛdi menli mɔɔ nwu yɛ la adwenle ɛtane zo konim na bɛtie nɔhalɛ ne. Ɛhye ati, ɔhyia kɛ yɛnea yɛ ɛdendɛlɛ nee yɛ nyɛleɛ boɛ dahuu. (1 Pita 2:12; 3:1, 2) Ka anwubielɛ ekyi mɔɔ wɔ bɛ ɛkɛ anzɛɛ mɔɔ bɛhɛlɛ mɔɔ kile kɛzi yɛkola yɛdi adwenle ɛtane zo konim la.
Edwɛne 127
Dapɛne Mɔɔ Bɔ Ɔ Bo September 15
Edwɛne 94
5 min: Asafo nu nolobɔlɛ. Yɛ Belemgbunlililɛ Gyima ne anu Nolobɔlɛ mɔɔ bɛkpa.
40 min: “Fa Kɛzi Ngɛlɛlera ne Bu Ɛzɛneyɛlɛ La Di Gyima—Foa 4.” Bɛha ɛdendɛkpunli 1-8 la anwo edwɛkɛ. Ɔwɔ kɛ kpanyinli mɔɔ yɛ neazo kɛnlɛma la di nwolɛ gyima. Kenga ɛdendɛkpunli ne amuala. Kenga ngɛlɛlera bie mɔ na kile kɛzi ɔwɔ kɛ bɛfa bɛdi gyima la. Maa mediema anwosesebɛ kɛ bɛva ngɛlɛlera bɛboka bɛ mualɛ ne anwo na bɛhile kɛzi ngyinlazo ne mɔ fane edwɛkɛ ne anwo la. Maa bɛ kɔsɔɔti anwosesebɛ maa bɛziezie bɛ nwo bɛmaa ɛdendɛkpunli 9-16 mɔɔ bɛbayɛ ye dapɛne bieko la.
Edwɛne 51
Dapɛne Mɔɔ Bɔ Ɔ Bo September 22
Edwɛne 104
5 min: Asafo nu nolobɔlɛ. Kenga ezukoa nwo mgbondabulɛ nee kɛlata mɔɔ kile kɛ Bɛtɛle asa ɛha ezukoa mɔɔ bɛva bɛnwanle la.
40 min: “Fa Kɛzi Ngɛlɛlera ne Bu Ɛzɛneyɛlɛ La Di Gyima—Foa 4.”a Bɛha ɛdendɛkpunli 9-16 la anwo edwɛkɛ. Ɔwɔ kɛ kpanyinli ko ne ala mɔɔ yɛle ɛkenle dapɛne ne anu ɛdeɛ ne la di nwolɛ gyima. Kenga ɛdendɛkpunli ne kɔsɔɔti. Kenga ngɛlɛlera bie mɔ na kile kɛzi ɔwɔ kɛ bɛfa bɛdi gyima la. Maa mediema anwosesebɛ kɛ bɛzɔ nɔhalɛ mɔɔ bɛdi bɛmaa Gyihova la anu ɔlua bɛ nwo mɔɔ bɛtwe bɛavi ewiade ne anu nyɛleɛ mgbane mgbane kɔsɔɔti anwo wɔ mekɛ mɔɔ bɛlɛfa kɛzi Ngɛlɛlera ne bu ɛzɛneyɛlɛ bɛali gyima la.
Edwɛne 190
Dapɛne Mɔɔ Bɔ Ɔ Bo September 29
Edwɛne 45
10 min: Asafo nu nolobɔlɛ. Ka May Ɛzonlenlɛ Mgbondabulɛ ne anu edwɛkɛtitile ne mɔ sikalɛ na kanvo bɛ kɔsɔɔti wɔ bɛ mgbondabulɛ mɔɔ bɛvale bɛmanle ndɛndɛ la anwo. Kakye nolobɔlɛma maa bɛva bɛ September ɛzonlenlɛ mgbondabulɛ bɛmaa. Dumua yɛ ngyehyɛleɛ maa nolobɔlɛnli ko anzɛɛ nwiɔ ɛha anwubielɛ mɔɔ maa anwosesebɛ mɔɔ bɛnyianle wɔ mekɛ mɔɔ bɛlɛdi mgbemgbɛnenu daselɛ wɔ mekɛ mɔɔ bɛmaa adenle anzɛɛ wɔ mekɛ gyɛne nu la anwo edwɛkɛ.
15 min: Duzu A Yɛyɛle wɔ Ɛkenle Ɛvolɛ ne A? Ɛdendɛlɛ nee tievolɛma adawubɔlɛ mɔɔ ɛzonlenlɛ gyima zo neavolɛ anzɛɛ kpanyinli gyɛne di nwolɛ gyima. Ka gyima mɔɔ asafo ne yɛle wɔ daselɛlilɛ nu ɛkenle ɛvolɛ ne la anwo edwɛkɛ, na twe adwenle sie ninyɛne kpalɛ mɔɔ yɛyɛle la azo. Fa nganvolɛ mɔɔ fɛta la maa. Dumua yɛ ngyehyɛleɛ maa nolobɔlɛnli ko anzɛɛ nwiɔ ɛha anwubielɛ mɔɔ yɛ anyelielɛ mɔɔ bɛnyianle la anwo edwɛkɛ. Ka debie ko anzɛɛ nwiɔ mɔɔ asafo ne bahola ayɛ nwolɛ gyima wɔ ɛvolɛ mɔɔ ɛlɛba anu la, na kile nzuzulɛ kpalɛ mɔɔ bamaa bɛanyia anyuhɔlɛ la.
20 min: “Tract Nolobɔlɛ Titile wɔ October 20 Kɔdwu November 16!”b Saa bɛlɛ tract ne bie wɔ ɛkɛ a maa awie biala mɔɔ wɔ ɛkɛ la ko. Ɛlɛka ɛdendɛkpunli 2 ne anwo edwɛkɛ a ka tract ne nuninyɛne ne anwo edwɛkɛ sikalɛ. Saa ɛlɛka ɛdendɛkpunli 4 ne anwo edwɛkɛ a, yɛ kɛzi bɛbahola bɛava tract ne bɛamaa la anwo yɛkile. Saa ɛlɛka ɛdendɛkpunli 5 ne anwo edwɛkɛ a, maa bɛyɛ nolobɔlɛnli mɔɔ ɛlɛfa tract ne abɔ Baebolo ɛzukoalɛ bo wɔ mekɛ mɔɔ ɔlɛyɛ sia kɔkpɔla la anwo yɛkile.
Edwɛne 9
Dapɛne Mɔɔ Bɔ Ɔ Bo October 6
Edwɛne 15
10 min: Asafo nu nolobɔlɛ. Ka ɔfese ne kɛlata mɔɔ wɔ mukelɛ 1 la anwo edwɛkɛ.
15 min: Kpuyia Ɛleka. Tievolɛma adawubɔlɛ. Fa edwɛkɛ mɔɔ wɔ June 15, 2005, Watchtower, mukelɛ 20-22, ɛdendɛkpunli 10-16 la boka nwo.
20 min: “Kilehile Awie Mɔ Maa Bɛhulo Gyihova.”c Saa mekɛ wɔ nu a maa bɛha ngɛlɛlera ne mɔ anwo edwɛkɛ.
Edwɛne 132
[Ɔ bo ɛkɛ ne edwɛkɛ ne mɔ]
a Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
b Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
c Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.