Nolobɔlɛ

◼ Buluku mɔɔ yɛbava yɛamaa wɔ August: Bɛva brochure biala mɔɔ lɛ mukelɛ 32 mɔɔ bɛlɛ la bɛmaa. Yɛ nye kɛlie nwo kɛ asafo ne mɔ kɛyɛ ngyehyɛleɛ na bɛkɛva brochure biala mɔɔ bɛlɛ ye dɔɔnwo wɔ bɛ ɛkɛ la bɛkɛmaa. September: Duzu A Baebolo ne Kilehile Amgba A? Bɛbɔ mɔdenle kpalɛ bɛbɔ Baebolo ɛzukoalɛ bo wɔ mekɛ mɔɔ lumua la anu. Saa suamenle ne mɔ lɛ buluku ɛhye bie a, bɛyɛ Baebolo ɛzukoalɛ nwo yɛkile sikalɛ bɛva bɛhile kɛzi bɛbahola bɛanyia nvasoɛ bɛavi zolɛ la. October: Yɛbava The Watchtower nee Awake! magazine yɛamaa. Ɛleka mɔɔ bɛkɛhile nwolɛ anyelielɛ la, bɛva Ɛbahulo kɛ Ɛbanwu Dɔɔnwo Wɔavale Baebolo ne Anwo? tract ne bɛmaa na bɛzuzu nwolɛ kɛ bɛfa bɛabɔ Baebolo ɛzukoalɛ bo. November: Yɛbava Duzu A Baebolo ne Kilehile Amgba A? yɛamaa. Bɛbɔ mɔdenle bɛva bɛbɔ Baebolo ɛzukoalɛ bo.

◼ Ɔwɔ kɛ asafo ne mɔ bɔ ɔ bo kɛla 2009 Calendar of Jehovah’s Witnesses, Examining the Scriptures Daily—2009, yɛɛ 2009 Yearbook of Jehovah’s Witnesses boka mbuluku bieko mɔɔ bɛbahɛla la anwo. Yɛ sa baha Examining the Scriptures Daily—2009 ne wɔ Nrelenza, Ewe, Ga, Twi yɛɛ maanɔne aneɛ ngakyile mɔɔ le kɛ Fenlanze la anu.

◼ Bɛbanyia 2009 Yeartext Banners (Ɛvolɛ Edwɛkɛ) mɔɔ bɛbava bɛabɔ Belemgbunlililɛ Asalo ALA la. Bɛ sa baha Ɛvolɛ Edwɛkɛ ɛhye mɔɔ bɛyɛ bɛwie la wɔ Dangme, Ewe, Nrelenza, Nzema, Ga yɛɛ Twi aneɛ nu. Aneɛ biala ɛyɛ ngyehyɛleɛ ɛlua asafo mɔɔ nea maa bɛkɛla mbuluku la azo ɛhɛla ko wɔ ye aneɛ nu wɔ mekɛ mɔɔ bɛlɛkɛla ɛvolɛ mbuluku mɔɔ yɛha nwolɛ edwɛkɛ la bɛaboka mbuluku bieko mɔɔ bɛbahɛla la anwo la. Yɛsɛlɛ bɛ saa bɛlɛkɛla Ɛvolɛ Edwɛkɛ ne a, bɛhɛlɛ ye wɔ S-14 kɛlata ne azo wɔ “Miscellaneous” abo. Asafo ne bahola aye Ɛvolɛ Edwɛkɛ ne anwo ndoboa. Bɛbahola bɛava ɛhye bɛaboka ezukoa mɔɔ bɛfa bɛnwa siane biala la anwo.

◼ Bɛlɛkakye asafo mgbanyima kɛ bɛli adehilelɛ mɔɔ wɔ April 15, 1991, Watchtower ne, mukelɛ 21-23 mɔɔ fane menli mɔɔ bɛdu bɛ anzɛɛ bɛhwe bɛ nwo bɛvi asafo ne anwo mɔɔ bɛkulo kɛ bɛsia bɛba la anwo la azo.