Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo wɔ August 25, 2008 la anu. Sukulu zo neavolɛ ne bava mitini 30 ayɛ ndinu mɔɔ gyi July 7 kɔdwu August 25, 2008 dapɛne ne mɔ anu gyimalilɛ ne azo la.

ƐDENDƐLƐ SUBANE

1. Kɛzi yɛbahola yɛahile kɛ yɛlɛ abotane wɔ mekɛ mɔɔ yɛlɛka nɔhalɛ ne anwo edwɛkɛ yɛahile awie mɔ la ɛ? (Fel. 4:5) [be m. 251 ɛden. 3]

2. Kɛzi neazo mɔɔ Pɔɔlo yɛle wɔ mekɛ mɔɔ ɛnee ɔlɛdi Gilikima daselɛ wɔ Alɛyɔpagɛse ne azo la baboa yɛ wɔ mekɛ mɔɔ yɛlɛdi menli mɔɔ bɛnlie Baebolo ne bɛndo nu la daselɛ ɛ? (Gyi. 17:22, 23) [be m. 252 ɛden. 1-2]

3. Saa yɛze kɛ edwɛkɛ mɔɔ ahenle mɔɔ yɛ nee ye ɛlɛtendɛ ɛlɛka la ɛnle kpalɛ bɔbɔ a, kɛzi yɛbahola yɛavi abotane nu yɛ nee ye adendɛ ɛ? [be m. 253 ɛden. 1-2]

4. Mekɛ mɔɔ yɛlɛfa akɛnrazilɛ yɛadendɛ la, duzu a ɔwɔ kɛ yɛkakye a? [be m. 255 ɛden. 3, ɛlɛka]

5. Kɛzi yɛbahola yɛava ndelebɛbo yɛali gyima wɔ mekɛ mɔɔ yɛkulo kɛ yɛka edwɛkɛ yɛmaa ɔka awie ahonle la ɛ? (Mrɛ. 20:5) [be m. 258 ɛden. 1-5]

GYIMALILƐ 1

6. Duzu a ɔwɔ kɛ mediema mraalɛ kakye wɔ mekɛ mɔɔ bɛkɛhile bɛ kɛzi ɔwɔ kɛ bɛyɛ bɛ gyimalilɛ la ɛ? [be m. 44 ɛden. 5-6]

7. Duzu a ɔwɔ kɛ mediema mrenya bɔ mɔdenle kɛ bɛkɛyɛ wɔ mekɛ mɔɔ bɛlɛdi Baebolo nu edwɛkɛtitile ne anwo gyima la ɛ? (Nih. 8:8) [be m. 47 ɛden. 2-3]

8. Kɛzi ɔwɔ kɛ adiema nrenya yɛ Ɛzonlenlɛ Gyima ne anu gyimalilɛ mɔɔ yɛkile nee edwɛkɛbizebizalɛ boka nwo la ɛ? [be m. 49 ɛden. 5]

9. Kɛzi Gyima ne si kɛzi ɔwɔ kɛ bɛdi daselɛ nee ɛleka mɔɔ ɔwɔ kɛ bɛyɛ bɛkɔdwu la azo ɛ? (Gyi. 20:20, 21; 28:23) [si m. 204 ɛden. 35]

10. Duzu a bagua nu tendɛvolɛ bahola ayɛ ava ahile kɛ ye ɛdendɛlɛ ne gyi Baebolo ne azo a? (Gyi. 17:2, 3) [be m. 52 ɛden. 6–m. 53 ɛden. 2]

DAPƐNE BAEBOLO ƐGENGALƐ

11. Duzu ati a, ɛnee Felepae efiade sinzavolɛ ne kulo “kɛ ɔku ɔ nwo” ɛ? (Gyi. 16:25-27) [w90 5/15 m. 25, ɛlɛka]

12. Kɛzi Alesetaakɛse nee Gayɛse gyinlanle kpɔdekpɔde mɔɔ bɛyɛle bɛ la anloa ɛ? (Gyi. 19:29; 20:4, 5) [w08 2/15 m. 10 ɛden. 16-17]

13. Duzu a ɛnee kile kɛ Sɔɔlo ‘ɛlɛto ɔ gyakɛ awɔ evileni bowule a’? (Gyi. 26:14) [w03 10/1 m. 32]

14. Kɛzi “ɛtane nyianle adenle” wɔ Nyamenle mɛla mɔɔ ɔvale ɔmanle Yizilayɛma la anu ɛ? (Wulo. 7:8, 11) [w08 6/15 ‘Ngoane wɔ Gyihova Edwɛkɛ ne Anu—Wulomuma Buluku ne anu Edwɛkɛtitile’]

15. Kɛzi ‘yɛkuohua senle samɛnlakɛ’ wɔ kpɔvolɛ bie ati zo ɛ? (Wulo. 12:20) [w08 6/15 ‘Ngoane wɔ Gyihova Edwɛkɛ ne Anu—Wulomuma Buluku ne anu Edwɛkɛtitile’]