Ɛzonlenlɛ Nyianu Ngyehyɛleɛ
Dapɛne Mɔɔ Bɔ Ɔ Bo June 9
Edwɛne 121
10 min: Asafo nu nolobɔlɛ. Fa nzuzulɛ ne mɔɔ wɔ mukelɛ 8 anzɛɛ edwɛkɛ gyɛne mɔɔ fɛta bɛ azɛlɛsinli ne la yɛ kɛzi bɛbava June 1 Watchtower yɛɛ June Awake! bɛamaa la anwo yɛkile.
20 min: Kɛzi Bɛsiezie Bɛ Nwo Bɛyɛ Baebolo Ɛzukoalɛ. Ɛdendɛlɛ mɔɔ gyi August 2004 Our Kingdom Ministry, mukelɛ 1 azo. Bɛka nwolɛ edwɛkɛ bɛwie a, maa bɛyɛ nolobɔlɛnli mɔɔ ndɛndɛ ne ala siezie ɔ nwo kɛ ɔyɛ Baebolo ɛzukoalɛ la anwo yɛkile. Akee maa bɛyɛ bieko mɔɔ nolobɔlɛnli ne siezie ɔ nwo na ɔfa nzuzulɛ mɔɔ wɔ Yɛ Belemgbunlililɛ Gyima ne anu ɔdi gyima la.
15 min: “Bɛha Edwɛkɛ ne Mɔɔ Bɛngyakyi.”a Saa mekɛ wɔ nu a, maa mediema ɛha ngɛlɛlera mɔɔ wɔ nu la anwo edwɛkɛ.
Edwɛne 201
Dapɛne Mɔɔ Bɔ Ɔ Bo June 16
Edwɛne 90
10 min: Asafo nu nolobɔlɛ. Yɛ Belemgbunlililɛ Gyima ne anu nolobɔlɛ mɔɔ bɛkpa. Kakye nolobɔlɛma maa bɛva bɛ July 1 Watchtower yɛɛ July Awake! bɛrɛla Ɛzonlenlɛ Nyianu bieko abo na bɛziezie bɛ nwo kɛ bɛbaha edwɛkɛ mɔɔ fɛta mɔɔ bɛyɛ kɛ bɛbava bɛali gyima la anwo edwɛkɛ.
15 min: Kile Nvasoɛ Kpalɛ Mɔɔ wɔ Edwɛkpa ne Azo La. Ɛdendɛlɛ nee tievolɛma adawubɔlɛ mɔɔ gyi Ministry School buluku ne mukelɛ 159 azo. Maa mediema ɛha edwɛkɛ mɔɔ hyia menli kɛkala wɔ bɛ azɛlɛsinli ne anu la anwo edwɛkɛ. Maa bɛha kɛzi yɛbahola yɛava edwɛkɛ mɔɔ yɛka la yɛali ngyegyelɛ zɛhae mɔ anwo gyima la.
20 min: “Wɔ Abusua ne Ɛlɛboɔboa Ɔ Nwo Amaa Ngoanelielɛ Ɔ?”b Saa mekɛ wɔ nu a, maa mediema ɛha ngɛlɛlera mɔɔ wɔ nu la anwo edwɛkɛ.
Edwɛne 54
Dapɛne Mɔɔ Bɔ Ɔ Bo June 23
Edwɛne 140
10 min: Asafo nu nolobɔlɛ. Kenga ezukoa nwo mgbondabulɛ ne nee kɛlata mɔɔ kile kɛ Bɛtɛle asa ɛha ezukoa mɔɔ bɛvale bɛnwanle la. Ka mbuluku mɔɔ yɛbava yɛamaa wɔ July la anwo edwɛkɛ na maa bɛyɛ ko anwo yɛkile.
20 min: Dahuu Adekpakyelɛ Gyimayɛlɛ Maa Ɛbɛlabɔlɛ Nyia Ngɔzo. Ɛdendɛlɛ mɔɔ gyi January 15, 2008, Watchtower, mukelɛ 17-19 azo. Saa adekpakyelɛnli mɔɔ le fofolɛ nee mɔɔ ɛva ɛvolɛ dɔɔnwo ɛzonle la wɔ ɛkɛ a, bizebiza bɛ edwɛkɛ. Maa bɛha kɛzi ɛzonlenlɛ gyima ɛhye mɔɔ sonle bolɛ la ɛmaa bɛnyia ngɔzo wɔ bɛ ɛbɛlabɔlɛ nu la.
15 min: Siezie Ɛ Nwo Fa Magazine Fofolɛ ne Maa. Tievolɛma adawubɔlɛ. Saa ɛfa edwɛkɛ sikalɛ ɛbuke July 1 Watchtower nee July Awake! anye ɛwie a, maa mediema ɛha nuhua edwɛkɛ mɔɔ menli nye balie nwo wɔ azɛlɛsinli ne anu nee deɛmɔti ɔle zɔ la. Maa mediema ɛha nuhua edwɛkɛ fɔɔnwo mɔɔ bɛyɛ kɛ bɛbava bɛali gyima la. Kpuyia boni a bɛbahola bɛabiza bɛava bɛabɔ adawubɔlɛ bo a? Edwɛkɛ ne anu ngɛlɛlera boni a bɛbahola bɛagenga a? Fa nzuzulɛ ne mɔɔ wɔ Yɛ Belemgbunlililɛ Gyima ne anu anzɛɛ gyɛne mɔɔ mediema ɛhile la, yɛ kɛzi bɛbahola bɛava nuhua ko biala bɛamaa la anwo yɛkile.
Edwɛne 82
Dapɛne Mɔɔ Bɔ Ɔ Bo June 30
Edwɛne 97
10 min: Asafo nu nolobɔlɛ. Kakye nolobɔlɛma maa bɛva bɛ June ɛzonlenlɛ mgbondabulɛ bɛmaa.
20 min: Kɛzi Yɛkola Yɛmaa Yɛ Adawubɔlɛ Nyia Anyuhɔlɛ. Ɛdendɛlɛ nee tievolɛma adawubɔlɛ mɔɔ gyi Ministry School buluku ne mukelɛ 62, ɛdendɛkpunli 4, kɔdwu mukelɛ 64 awieleɛ azo. Maa edwɛkɛ ne ɛvane bɛ azɛlɛsinli ne anwo. Bizebiza nolobɔlɛnli mɔɔ bɔ mɔdenle nyia menli nee bɛ bɔ adawu wɔ sua nu nee sua nu anzɛɛ mgbemgbɛnenu daselɛlilɛ nu la edwɛkɛ sikalɛ.
15 min: Ɛkakye Ɔ?c Tievolɛma adawubɔlɛ mɔɔ gyi April 15, 2008, Watchtower, mukelɛ 29 azo.
Edwɛne 179
Dapɛne Mɔɔ Bɔ Ɔ Bo July 7
Edwɛne 125
5 min: Asafo nu nolobɔlɛ.
15 min: “Mekɛ Mɔɔ Suamenle Ka Aneɛ Gyɛne La.”d Ɔwɔ kɛ ɛzonlenlɛ gyima zo neavolɛ ne di nwolɛ gyima. Saa ɛlɛsuzu ɛdendɛkpunli 2 ne anwo a, ka aneɛ anzɛɛ asafo ngakyile mɔɔ nee bɛ asafo ne di daselɛ wɔ ɛleka ko ne ala la kile mediema. Ka ngyehyɛleɛ kpalɛ biala mɔɔ bɛyɛ kɛ bɛfa bɛaboa aneɛ anzɛɛ asafo ne mɔ mɔɔ boka nwo amaa bɛava koyɛlɛ bɛayɛ daselɛlilɛ gyima ne la.
25 min: “Ɛvolɛ 2008 Gyihova Alasevolɛ Maangyeba Nyianu.”e Ɔwɔ kɛ asafo kɛlɛhɛlɛvolɛ ne di nwolɛ gyima. Kile nyianu ne mɔɔ asafo ne bahɔ la nee kenle ne kɛmɔ bɛhile wɔ kɛlata ne mɔɔ vea nu mukelɛ 6 ne la. Saa ɛlɛfa wɔara awieleɛ a, ka ɛlɛka ne mɔɔ wɔ mukelɛ 5 la anwo edwɛkɛ. Maa bɛ muala anwosesebɛ maa bɛyɛ bɛ nyianu ne anwo ngyehyɛleɛ ndɛndɛ.
Edwɛne 99
[Ɔ bo ɛkɛ ne edwɛkɛ ne mɔ]
a Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
b Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
c Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
d Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
e Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.