January Ɛzonlenlɛ Mgbondabulɛ

Dɔn. Mag. Sia. B.Ɛ.

Dodo: Ngy. Ngy. Ngy. Ngy.

Ade. Tit. 174 134.2 29.6 84.9 17.4

Ade. 4,554 65.6 20.5 36.9 8.1

Ade. Boa. 1,993 50.7 15.9 23.6 5.8

Nolo. 78,480 13.0 4.3 6.4 2.1

Ɔ MUALA: 85,201 Ɛzɔnenlɛma: 624

Yɛkpondɛ kɛ yɛkanvo nolobɔlɛma kɔsɔɔti wɔ mɔdenle mɔɔ bɛbɔ wɔ nɔhalɛ ɛzonlenlɛ nwo nee ko mɔɔ bɛ nee mgbanyima ne mɔ yɛ na bɛmaa bɛkola bɛfa bɛ siane biala daselɛlilɛ mgbondabulɛ ne bɛnwa ndɛndɛ la anwo. Ɛhye ɛmaa yɛnyia nyilalɛ dɔɔnwo. Kɛ neazo la, wɔ January yɛmanle mbuluku dodo mɔɔ tɛla biala 39,698. Bieko, saa bɛkyehyɛ nu a nolobɔlɛnli biala nyianle dɔnehwele 13, adekpakyelɛ boavolɛ biala nyianle 50.7 yɛɛ adekpakyelɛnli titile biala nyianle 134.2. Ɛhye maa anwosesebɛ. Gyihova anye sɔ ɛkɛla muala nu mɔɔ bɛ nuhua ko biala fi sonle ye la—Kɔl. 3:23, 24.

Duzu a yɛbahola yɛayɛ na yɛanyia anyuhɔlɛ wɔ kɛzi yɛbu mgbonda kpalɛ la anu ɛ? Ɔwɔ kɛ Asafo Buluku Ɛzukoalɛ zo neavolɛ ne bɔ mɔdenle kɛ siane biala awieleɛ ɔkɛmaa kɛlɛhɛlɛvolɛ ne asa kɛha mgbondabulɛ ne kɔsɔɔti ndɛndɛ. Bɛbahola bɛahakye mediema wɔ buluku ɛzukoalɛ mɔɔ li awieleɛ wɔ siane biala anu la abo. Ɔwɔ kɛ kɛlɛhɛlɛvolɛ ne di mgbondabulɛ ne anwo gyima ndɛndɛ amaa bɛahola bɛakpondɛ biala mɔɔ ɛminli la na bɛava bɛaboka mɔɔ bɛbava bɛanwa ɔfese ne wɔ siane bieko kenle mɔɔ tɔ zo nsia ne azo la anwo. Saa nolobɔlɛma kɔsɔɔti fa bɛ mgbondabulɛ maa ndɛ na kɛlɛhɛlɛvolɛ ne di nwolɛ gyima ɛkɛ ne ala a, siane biala yɛbabu mgbonda mɔɔ di munli a. Saa bɛ ɛkɛ ne posuɔfese ne gyima ɛngɔ zo kpalɛ a, mgbanyima ne mɔ bahola alua telefuu zo ava mgbondabulɛ ne amaa kola na bɛaposu. Yɛ nye sɔ kɛzi bɛbɔ mɔdenle siane biala bɛdi ngyehyɛleɛ ɛhye azo la.