Nolobɔlɛ

◼ Buluku mɔɔ yɛbava yɛamaa wɔ March: Yɛbava Duzu A Baebolo ne Kilehile Amgba A? yɛamaa. Bɛbɔ mɔdenle bɛva bɛbɔ Baebolo ɛzukoalɛ bo. April nee May: Yɛbava The Watchtower nee Awake! magazine yɛamaa. Ɔwɔ kɛ bɛbɔ mɔdenle kpalɛ bɛkɔkpɔla anyelielɛma fofolɛ mɔɔ rale Ngakyelɛlilɛ ne nee ɛdendɛlɛ titile ne bie noko bɛ nee asafo ne ɛmbɔ kpalɛ la. Ɔwɔ kɛ ɛkpɔlalɛ zɛhae bodane yɛ kɛ bɛdua zo bɛ nee menli mɔɔ bɛ nee bɛ ɛnyɛ sua nu Baebolo ɛzukoalɛ la ayɛ bie. June: Yɛbava Mankind’s Search for God anzɛɛ The Bible—God’s Word or Man’s? yɛamaa. Asafo mɔɔ ɛnlɛ mbuluku ɛhye mɔ bie la bahola ava Sonle Nɔhalɛ Nyamenle Kokye Ne amaa.

◼ Ɔwɔ kɛ asafo ne mɔ maa nolobɔlɛma asa ka The Watchtower nee Awake! fofolɛ mɔɔ kɛra la ndɛndɛ. Ɛhye bamaa nolobɔlɛma anwu edwɛkɛ mɔɔ wɔ nu la kolaa na bɛava magazine ne bɛamaa wɔ daselɛlilɛ nu.

◼ Ɔwɔ kɛ awie mɔɔ ebianutɛnlavolɛ ne ɛkpa ye la neɛnlea asafo ne December, January yɛɛ February siane ne mɔ ezukoa mgbondabulɛ ne anu. Ɔnle kɛ bɛmaa sonla ko ne ala yɛ mgbondabulɛ bieko mɔɔ doa zo la. Saa bɛyɛ ɛhye a, ɔwɔ kɛ bɛbɔ asafo ne amaneɛ wɔ mekɛ mɔɔ bɛgenga mgbondabulɛ bieko mɔɔ doa zo bɛwie la.—Bɛnlea Instructions for Congregation Accounting (S-27).

◼ Ɛvolɛ 2008 maangyeba nyianu edwɛkɛtile ne se “Nyamenle Sunsum ne Kile Yɛ Adenle.” June Yɛ Belemgbunlililɛ Gyima ne bamaa bɛade nwolɛ edwɛkɛ dɔɔnwo mɔɔ baboa bɛ yeamaa bɛahola bɛayɛ nwolɛ ngyehyɛleɛ bɔkɔɔ na bɛahɔ kenle nsa nyianu ne amuala bie la. Saa ɔhyia kɛ ɛsɛlɛ adenle wɔ gyima nu amaa wɔahola wɔahɔ kenle nsa ne amuala a, ɔnle kɛ ɛtwenlehwenle ɛ bo aze kɛ ɛkɛyɛ zɔ.