Ɛzonlenlɛ Nyianu Ngyehyɛleɛ
Dapɛne Mɔɔ Bɔ Ɔ Bo March 10
Edwɛne 131
10 min: Asafo nu nolobɔlɛ. Fa nzuzulɛ ne mɔɔ wɔ mukelɛ 8 anzɛɛ edwɛkɛ gyɛne mɔɔ fɛta bɛ azɛlɛsinli ne la yɛ kɛzi bɛbava March 1 Watchtower nee March Awake! yɛɛ Ngakyelɛlilɛ ɛsalɛdolɛ kɛlata ne bɛamaa la anwo yɛkile.
20 min: Duzu Ati A Yɛyia Nu A? Ɛdendɛlɛ nee tievolɛma adawubɔlɛ mɔɔ gyi May 15, 2007, Watchtower mukelɛ 11-13 azo. Maa tievolɛma ɛha kɛzi debiezukoalɛ mɔɔ bɛba la ɛboa bɛ nee kɛzi bɛhola bɛli ngyegyelɛ zo konim amaa bɛahola bɛara dahuu la anwo edwɛkɛ.
15 min: “Yɛkola Yɛfa Debie Yɛmaa Gyihova.”a Saa mekɛ wɔ nu a, maa mediema ɛha ngɛlɛlera mɔɔ wɔ nu la anwo edwɛkɛ.
Edwɛne 8
Dapɛne Mɔɔ Bɔ Ɔ Bo March 17
Edwɛne 144
8 min: Asafo nu nolobɔlɛ. Kakye mediema maa bɛva bɛ April 1 Watchtower nee April Awake! bɛrɛla dapɛne bieko Ɛzonlenlɛ Nyianu ne abo na bɛziezie bɛ nwo kɛ bɛbaha nzuzulɛ mɔɔ fɛta bɛ azɛlɛsinli ne la anwo edwɛkɛ. Yɛ Belemgbunlililɛ Gyima ne anu Nolobɔlɛ mɔɔ bɛkpa.
17 min: Kpuyia Ɛleka mɔɔ wɔ mukelɛ 6. Ɔwɔ kɛ asafo nu kpanyinli di nwolɛ gyima. Kenga edwɛkɛ ne amuala na ka nwolɛ edwɛkɛ. Si nvasoɛ mɔɔ wɔ zo kɛ yɛtie Ngɛlɛlera ne anu folɛdulɛ mɔɔ fane kɛzi ɔwɔ kɛ Keleseɛnema kola sɔ bɛ nwo la azo.
20 min: “Kɛzi Yɛbahola Yɛaboa Menli Mɔɔ Bara Ngakyelɛlilɛ ne Abo La Ɛ?”b Saa ɛlɛsuzu ɛdendɛkpunli 5 ne anwo a, yɛ kɛzi bɛkola bɛ nee awie mɔɔ rale Ngakyelɛlilɛ ne bie bɔ Baebolo ɛzukoalɛ bo la anwo yɛkile sikalɛ.
Edwɛne 214
Dapɛne Mɔɔ Bɔ Ɔ Bo March 24
Edwɛne 111
10 min: Asafo nu nolobɔlɛ. Siezie Ɛ Nwo Fa Magazine Fofolɛ ne Maa. Tievolɛma adawubɔlɛ. Saa ɛka mukenye edwɛkɛ sikalɛ wɔ April 1 Watchtower nee April Awake! anwo ɛwie a, maa tievolɛma ɛha nuhua edwɛkɛ mɔɔ menli nye balie nwo wɔ azɛlɛsinli ne anu nee deɛmɔti ɔle zɔ la. Maa mediema ɛha nuhua edwɛkɛ fɔɔnwo mɔɔ bɛyɛ kɛ bɛbava bɛali gyima la. Kpuyia boni a bɛbahola bɛabiza bɛava bɛabɔ adawubɔlɛ bo a? Edwɛkɛ ne anu ngɛlɛlera boni a bɛbahola bɛagenga a? Fa nzuzulɛ mɔɔ bɛhile kɛ bɛbava bɛali gyima wɔ azɛlɛsinli ne anu la, yɛ kɛzi bɛbava April 1 Watchtower nee April Awake! bɛamaa la anwo yɛkile.
20 min: “Dahuu Ɛka Amozi Ɔ?”c Ɔwɔ kɛ asafo nu kpanyinli di nwolɛ gyima. Mekɛ wɔ nu a kpa ɛdendɛkpunli bie mɔ na kenga. Saa ɛlɛsuzu ɛdendɛkpunli 7 nee 8 ne anwo a, maa mediema bie mɔ ɛha mɔɔ bɛyɛ amaa bɛara debiezukoalɛ ndɛ la. Maa bɛ muala anwosesebɛ kɛ bɛdie folɛdulɛ ne na bɛyɛ nzenzaleɛ mɔɔ hyia la.
15 min: Yɛfa Debie Kpalɛ nwo Nrɛlaleɛ Yɛba. Saa asafo nu kpanyinli maa mukenye mɔɔ ɔndwu mitini ko la wie a, ɔbamaa ɛdendɛlɛ mɔɔ gyi July 1, 2005, Watchtower, mukelɛ 18-19, ɛdendɛkpunli10-14 azo la. Maa tievolɛma ɛha kɛzi mekɛ mɔɔ lumua mɔɔ bɛdele Belemgbunlililɛ ne anwo edwɛkɛ ne la ɔkyekyele bɛ rɛle na ɔmanle bɛnyianle anyelazo la anwo edwɛkɛ.
Edwɛne 29
Dapɛne Mɔɔ Bɔ Ɔ Bo March 31
Edwɛne 37
10 min: Asafo nu nolobɔlɛ. Kakye nolobɔlɛma maa bɛva bɛ March daselɛlilɛ mgbondabulɛ bɛmaa. Kenga ezukoa nwo mgbondabulɛ ne nee kɛlata mɔɔ kile kɛ Bɛtɛle asa ɛha ezukoa mɔɔ bɛvale bɛnwanle la.
20 min: Fa 2008 Yearbook ne Di Gyima Kpalɛ. Ɛdendɛlɛ nee tievolɛma adawubɔlɛ. Ka “Kɛlata Mɔɔ Vi Neazo Eku ne Ɛkɛ,” mɔɔ wɔ mukelɛ 3-5 la anwo edwɛkɛ. Yɛ ye nzonlɛ kɛ kɛlata ɛhye noko wɔ Yɛ Belemgbunlililɛ Gyima ɛhye mukelɛ 3 nee 4. Maa mediema nwiɔ anzɛɛ nsa ɛha Yearbook nee anu anwubielɛ mɔɔ ɛmaa bɛ anwosesebɛ kpalɛ la anwo edwɛkɛ. Dumua yɛ ngyehyɛleɛ maa nolobɔlɛnli ko anzɛɛ menli nwiɔ ɛha bɛ ngyehyɛleɛ mɔɔ bɛyɛ bɛfa bɛkenga Yearbook ne la anwo edwɛkɛ. Maa bɛ kɔsɔɔti anwosesebɛ kɛ bɛgenga buluku ne amuala fa dwula wɔ edwɛkɛ ne.
15 min: “Bɛmaa Bɛ Nwo Anwosesebɛ wɔ Daselɛlilɛ Nu.”d
Edwɛne 145
Dapɛne Mɔɔ Bɔ Ɔ Bo April 7
Edwɛne 186
15 min: Asafo nu nolobɔlɛ. Kenga na ka Kpuyia Ɛleka mɔɔ wɔ mukelɛ 4 mɔɔ se “Nwane mɔ a ɔwɔ kɛ nyia Yɛ Belemgbunlililɛ Gyima ne bie a?” la anwo edwɛkɛ. Ɔwɔ kɛ ebianutɛnlavolɛ ne di nwolɛ gyima. Ɔwɔ kɛ mgbanyima ne mɔ sia suzu Yɛ Belemgbunlililɛ Gyima dodo mɔɔ bɛdie la anwo na bɛyɛ nwolɛ nzenzaleɛ biala mɔɔ hyia la wɔ dapɛne ɛhye anu.
15 min: Duzu Ati A Ɛlɛtu Wɔazie kɛ Bɛkɛzɔne Wɔ A? Ɛdendɛlɛ mɔɔ asafo nu kpanyinli maa mɔɔ gyi July 1, 2006, Watchtower, mukelɛ 29-30, ɛdendɛkpunli 14-17 azo la. Bizebiza nolobɔlɛnli ko anzɛɛ nwiɔ mɔɔ bɛzɔnenle bɛ la ɛnee bɛtɛnyianle ɛvolɛ 20 la edwɛkɛ. Duzu a hanle bɛ manle bɛdule agyakɛ ɛhye wɔ bɛ ngakula nu a? Kɛzi bɛ ɛzɔnenlɛ ne boale bɛ manle bɛnyinle wɔ sunsum nu na yebɔ bɛ nwo bane ɛ?
15 min: Kpuyia Ɛleka mɔɔ wɔ mukelɛ 7.e Ɔwɔ kɛ asafo nu kpanyinli di nwolɛ gyima. Kenga edwɛkɛ ne amuala na ka nwolɛ edwɛkɛ.
Edwɛne 225
[Ɔ bo ɛkɛ ne edwɛkɛ ne mɔ]
a Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
b Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
c Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
d Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
e Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.