Ɛzonlenlɛ Nyianu Ngyehyɛleɛ

Dapɛne Mɔɔ Bɔ Ɔ Bo February 11

Edwɛne 168

10 min: Asafo nu nolobɔlɛ. Fa nzuzulɛ ne mɔɔ wɔ mukelɛ 8 anzɛɛ edwɛkɛ gyɛne mɔɔ fɛta bɛ azɛlɛsinli ne la yɛ kɛzi bɛbava February 1 Watchtower yɛɛ February Awake! bɛamaa la anwo yɛkile.

15 min: Ɛbahola Wɔazonle wɔ Ɛleka Mɔɔ Bɛhyia Moalɛ Kpole La Ɔ? Ɛdendɛlɛ nee tievolɛma adawubɔlɛ mɔɔ gyi July 15, 2003, Watchtower, mukelɛ 20 azo. Fa edwɛkɛ mɔɔ wɔ Organized buluku ne, mukelɛ 111, ɛdendɛkpunli 1 kɔdwu mukelɛ 112, ɛdendɛkpunli 1 ne la boka nwo. Bizebiza menli mɔɔ ɛlɛboa wɔ ɛleka mɔɔ bɛhyia moalɛ kpole la edwɛkɛ sikalɛ. Ngyegyelɛ boni a bɛyiale a, na kɛzi bɛlile zolɛ konim ɛ? Nyilalɛ boni a bɛnyianle a?

20 min: Boa Menli Mɔɔ Bɛle Fofolɛ la Maa Bɛnyia Anyuhɔlɛ kɛ Azonvolɛ. Ɛfa mɔɔ ɛndwu mitini ko la ɛbuke ɔ nye ɛwie a, fa kpuyia nee mualɛ suzu December 1, 2005 Watchtower ne, mukelɛ 31 anwo, fa kpuyia ne mɔɔ wɔ nu la di gyima. Ɛsuzu ɛdendɛkpunli 18 anwo ɛwie a, maa bɛyɛ suamenle bie mɔɔ ɛlɛfa edwɛkɛ azi nolobɔlɛnli fofolɛ mɔɔ nee nolobɔlɛnli mɔɔ bɔ mɔdenle lua adenle la anwo yɛkile. Nolobɔlɛnli fofolɛ ne edwɛkɛ ne mɔɔ ɔhanle la amboa kpalɛ, na suamenle ne pɛle adawubɔlɛ ne azo. Bɛvile sua nu ɛkɛ ne la, nolobɔlɛnli ne mɔɔ bɔ mɔdenle la hanvole adiema ne mɔɔ le fofolɛ la wɔ mɔdenle mɔɔ ɔbɔle la anwo, na akee ɔhilele ye kɛzi ɔbahola yeava Reasoning buluku ne yeabua zɔhane sonla ne mɔɔ fa edwɛkɛ pɛ adawubɔlɛ zo wɔ kenle fofolɛ la.

Edwɛne 50

Dapɛne Mɔɔ Bɔ Ɔ Bo February 18

Edwɛne 17

10 min: Asafo nu nolobɔlɛ. Yɛ Belemgbunlililɛ Gyima ne anu Nolobɔlɛ mɔɔ bɛkpa.

10 min: Asafo nu ngyianlɛ.

25 min: “Diedi Kpole Nwo Daselɛ!”a Ɔwɔ kɛ ɛzonlenlɛ gyima zo neavolɛ ne di nwolɛ gyima. Suzu ninyɛne kpalɛ mɔɔ asafo ne yɛle ye ɛkenle ɛvolɛ ne anu la anwo fa dwula edwɛkɛ ne.

Edwɛne 194

Dapɛne Mɔɔ Bɔ Ɔ Bo February 25

Edwɛne 81

10 min: Asafo nu nolobɔlɛ. Kakye nolobɔlɛma maa bɛva bɛ February daselɛlilɛ mgbondabulɛ bɛmaa. Kenga ezukoa nwo mgbondabulɛ ne nee kɛlata mɔɔ kile kɛ Bɛtɛle asa ɛha ezukoa mɔɔ bɛvale bɛnwanle la. Yɛ kɛzi bɛfa Ngakyelɛlilɛ ɛsalɛdolɛ ne bɛto ɛsalɛ bɛfɛlɛ awie anwo sonla anzɛɛ agɔnwolɛ bie la anwo yɛkile.

20 min: “Fa Anyezɔlɛ Kakye Ɛkpɔnedeɛ Ne.”b Saa mekɛ wɔ nu a, maa mediema ɛha ngɛlɛlera mɔɔ wɔ nu la anwo edwɛkɛ.

15 min: Siezie Ɛ Nwo Fa Magazine Fofolɛ ne Maa. Tievolɛma adawubɔlɛ. Saa ɛka mukenye edwɛkɛ sikalɛ wɔ March 1 Watchtower nee March Awake! anwo ɛwie a, maa tievolɛma ɛha nuhua edwɛkɛ mɔɔ menli nye balie nwo wɔ azɛlɛsinli ne anu nee deɛmɔti ɔle zɔ la. Maa mediema ɛha nuhua edwɛkɛ fɔɔnwo mɔɔ bɛyɛ kɛ bɛbava bɛali gyima la. Kpuyia boni a bɛbahola bɛabiza bɛava bɛabɔ adawubɔlɛ bo a? Edwɛkɛ ne anu ngɛlɛlera boni a bɛbahola bɛagenga a? Kɛzi bɛbamaa ngɛlɛlera ne avane edwɛkɛ ne anwo ɛ? Fa nzuzulɛ ne mɔɔ wɔ nu la, yɛ kɛzi bɛbava March 1 Watchtower ne nee March Awake! bɛamaa la anwo yɛkile.

Edwɛne 119

Dapɛne Mɔɔ Bɔ Ɔ Bo March 3

Edwɛne 223

10 min: Asafo nu nolobɔlɛ. Suzu ɛlɛka “Ngakyelɛlilɛ Nwo Ngakyelɛ” anu edwɛkɛtitile ne anwo.

20 min: Ɛbahola Wɔabɔ Baebolo Ɛzukoalɛ Bo wɔ March Ɔ?c Tievolɛma adawubɔlɛ. Wɔ March anu yɛbava Baebolo ne Kilehile buluku ne yɛamaa na yɛava yɛabɔ Baebolo ɛzukoalɛ bo. Ka buluku ne anu ninyɛne mɔɔ le ngɛnlɛma la bie mɔ anwo edwɛkɛ. Suzu kɛzi yɛbahola yɛava yɛamaa wɔ mekɛ mɔɔ yɛlɛsia yɛahɔkpɔla awie mɔɔ hilele anyelielɛ wɔ Ngakyelɛlilɛ ɛsalɛdolɛ kɛlata mɔɔ yɛvale yɛgyakyile ye, mekɛ mɔɔ yɛlɛsia yɛahɔkpɔla awie mɔɔ yɛmanle ye magazine yɛɛ mekɛ mɔɔ March 22 ɛkpa nwo na yɛlɛfa yɛamaa wɔ sua nu nee sua nu daselɛlilɛ nu la anwo. (Nea km 8/07 m. 3; km 3/06 m. 1, ɛden. 3; km 3/06 m. 3-6.) Maa bɛyɛ ko anzɛɛ nwiɔ anwo yɛkile.

15 min: Fa Baebolo ne Di Gyima wɔ Mekɛ Mɔɔ Ɛlɛbua Edwɛkɛ La. Ɛdendɛlɛ ne tievolɛma adawubɔlɛ mɔɔ gyi Ministry School buluku ne, mukelɛ 143-4 azo. Yɛ nolobɔlɛnli mɔɔ bɛlɛbiza ye edwɛkɛ mɔɔ bɛta bɛka wɔ bɛ azɛlɛsinli ne anu na ɔlɛfa Baebolo ne yeali gyima yeava yeabua la anwo yɛkile sikalɛ.

Edwɛne 145

[Ɔ bo ɛkɛ ne edwɛkɛ ne mɔ]