Ɛzonlenlɛ Nyianu Ngyehyɛleɛ
Dapɛne Mɔɔ Bɔ Ɔ Bo January 14
Edwɛne 41
10 min: Asafo nu nolobɔlɛ. Yɛ Belemgbunlililɛ Gyima ne anu Nolobɔlɛ mɔɔ bɛkpa. Fa nzuzulɛ ne mɔɔ wɔ mukelɛ 8 anzɛɛ edwɛkɛ gyɛne mɔɔ fɛta bɛ azɛlɛsinli ne la yɛ kɛzi bɛbava January 1 Watchtower yɛɛ January Awake! bɛamaa la anwo yɛkile.
15 min: “Fa Wɔ Mekɛ Di Gyima Kpalɛ wɔ Daselɛlilɛ Nu.”a Bizebiza adiema nrenya mɔɔ bɔ mɔdenle di mediema ekpunli bie anyunlu maa bɛkɔ daselɛlilɛ la edwɛkɛ. Duzu a ɔyɛ amaa yeahola yeaziezie ɔ nwo na yeali mediema ne mɔ anyunlu yeamaa bɛava bɛ mekɛ bɛali gyima kpalɛ wɔ daselɛlilɛ nu ɛ?
20 min: “Bɛmaa Bɛ Nloa Edwɛkɛ Ɛyɛ Fɛ.”b Saa ɛlɛsuzu ɛdendɛkpunli 2 ne anwo a, kenga Dwɔn 4:7-15, 39.
Edwɛne 85
Dapɛne Mɔɔ Bɔ Ɔ Bo January 21
Edwɛne 215
10 min: Asafo nu nolobɔlɛ. Ka buluku mɔɔ yɛbava yɛamaa wɔ February la anwo edwɛkɛ, na maa bɛyɛ ko anwo yɛkile. Wula awie biala anwosesebɛ maa ɔnlea video ne mɔɔ se Transfusion-Alternative Health Care—Meeting Patient Needs and Rights na ɔva ɔziezie ɔ nwo ɔmaa edwɛkɛ ne mɔɔ bɛbazuzu nwo wɔ February 4, Ɛzonlenlɛ Nyianu dapɛne ne anu la. Suzu Kpuyia Ɛleka ne anwo.
10 min: Ɛlɛfa Examining the Scriptures Daily Wɔali Gyima Ɔ? Ɛdendɛlɛ ne tievolɛma adawubɔlɛ mɔɔ gyi Examining the Scriptures Daily—2008 mukenye edwɛkɛ ne azo. Kile nvasoɛ mɔɔ wɔ zo kɛ ɔwɔ kɛ yɛnyia mekɛ alehyenlɛ biala yɛsuzu Ngɛlɛlera tɛkese ne nee nwolɛ edwɛkɛ ne anwo la. Maa mediema ɛha ngyehyɛleɛ mɔɔ bɛyɛ mɔɔ bɛdua zo bɛsuzu tɛkese ne anwo nee kɛzi yeboa bɛ la anwo edwɛkɛ. Ɛbahola wɔalumua wɔayɛ edwɛkɛ ne ko anzɛɛ nwiɔ anwo ngyehyɛleɛ. Si 2008 ɛvolɛ edwɛkɛ ne azo sikalɛ.
25 min: “Bɛli Edwɛkpa ne Anwo Daselɛ Kpalɛ.”c (Ɛden. 1-10) Ɔwɔ kɛ ɛzonlenlɛ gyima zo neavolɛ ne di nwolɛ gyima. Bizebiza nolobɔlɛma nwiɔ mɔɔ yɛle adekpakyelɛ boavolɛ ɛkenle ɛvolɛ ne anu ɔnva nwo kɛ bɛnlɛ alagye anzɛɛ bɛnlɛ anwosesebɛ la edwɛkɛ. Kɛ ɔyɛle mɔɔ bɛholale ye yɛ ɛ? Anyelielɛ boni a bɛnyianle a? Saa ɛlɛsuzu ɛdendɛkpunli 7 ne anwo a, ka March, April yɛɛ May daselɛlilɛ nwo ngyehyɛleɛ mɔɔ bɛyɛ la.
Edwɛne 177
Dapɛne Mɔɔ Bɔ Ɔ Bo January 28
Edwɛne 52
10 min: Asafo nu nolobɔlɛ. Kakye nolobɔlɛma maa bɛva bɛ January daselɛlilɛ mgbondabulɛ bɛmaa. Kenga ezukoa nwo mgbondabulɛ ne nee kɛlata mɔɔ kile kɛ Bɛtɛle asa ɛha ezukoa mɔɔ bɛvale bɛnwanle la. Tievolɛma adawubɔlɛ mɔɔ gyi February 1 Watchtower nee February Awake! azo. Saa ɛka mukenye edwɛkɛ sikalɛ wɔ ko biala anwo ɛwie a, maa tievolɛma ɛha nuhua edwɛkɛ mɔɔ menli nye balie nwo wɔ azɛlɛsinli ne anu nee deɛmɔti ɔle zɔ la. Maa mediema ɛha nuhua edwɛkɛ fɔɔnwo mɔɔ bɛyɛ kɛ bɛbava bɛali gyima la. Kpuyia boni a bɛbahola bɛabiza bɛava bɛabɔ adawubɔlɛ bo a? Edwɛkɛ ne anu ngɛlɛlera boni a bɛbahola bɛagenga a? Kɛzi bɛbamaa ngɛlɛlera ne avane edwɛkɛ ne anwo ɛ? Fa nzuzulɛ ne mɔɔ wɔ mukelɛ 8 la, yɛ kɛzi bɛbava ko biala bɛamaa la anwo yɛkile.
20 min: “Bɛli Edwɛkpa ne Anwo Daselɛ Kpalɛ.”d (Ɛden. 11-17) Saa bɛlɛ Ngakyelɛlilɛ ɛsalɛdolɛ kɛlata titile ne bie wɔ ɛkɛ a, maa awie biala mɔɔ wɔ ɛkɛ ne la Ngakyelɛlilɛ ɛsalɛdolɛ kɛlata titile ne ko wɔ mekɛ mɔɔ ɛlɛsuzu ɛdendɛkpunli 14 ne anwo la. Kile bɛ ɛkɛ ne ngyehyɛleɛ mɔɔ bɛyɛ kɛ bɛbava bɛayɛ bɛ azɛlɛsinli ne anu gyima la.
15 min: “Boa Baebolo Sukoavoma Maa Bɛyɛ Belemgbunlililɛ Edwɛkpa ne Nolobɔlɛma.”e Saa mekɛ wɔ nu a, maa mediema ɛha ngɛlɛlera mɔɔ wɔ nu la anwo edwɛkɛ.
Edwɛne 22
Dapɛne Mɔɔ Bɔ Ɔ Bo February 4
Edwɛne 161
5 min: Asafo nu nolobɔlɛ.
15 min: Asafo nu ngyianlɛ. Asafo ne mɔ mɔɔ bɛtɛyɛle maangyeba nyianu ne anu neɛnleanu kɛmɔ bɛhanle nwolɛ edwɛkɛ wɔ November 2007 Yɛ Belemgbunlililɛ Gyima ne mukelɛ 2 la bɛahola ava foa ɛhye ayɛ zɔ.
25 min: “Ɛlɛtu Wɔazie Ɔ?”f Ɔwɔ kɛ kpanyinli di nwolɛ gyima. Gyinla kpuyia ne mɔ mɔɔ wɔ nu la azo na ɛ nee tievolɛma ɛzuzu Patients Needs and Rights video ne anwo. Kenga ɛdendɛkpunli ne mɔɔ li awieleɛ la na wula bɛ muala anwosesebɛ kɛ bɛzuzu edwɛkɛ mɔɔ wɔ Watchtower ne nee Yɛ Belemgbunlililɛ Gyima ne anu la anwo boɛ fa dwula wɔ edwɛkɛ ne. Kilehile kɛzi awie biala mɔɔ ɛtɛyɛle ye ɛdeɛ la bahola ava ngɛlata ne mɔ mɔɔ vea December 2006 Our Kingdom Ministry ɛdeɛ ne anu ali gyima amaa yeahola yeazi ɔ ti anwo kpɔkɛ wɔ mogya nu ninyɛne ngyikyi ngyikyi nee ndenle mɔɔ bɛdua zo bɛyɛ ayile na nzinlii yeahile ye kpɔkɛzilɛ ne wɔ DPA kɛlata ne azo la anu. Menli mɔɔ ɛlumua ɛyɛ DPA kɛlata ne la bahulo kɛ bɛsuzu kpɔkɛ mɔɔ bɛzi la anwo na saa ɔkɛyɛ boɛ a, bayɛ ye fofolɛ.
Edwɛne 4
[Ɔ bo ɛkɛ ne edwɛkɛ ne mɔ]
a Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
b Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
c Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
d Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
e Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.
f Mmamaa mukenye edwɛkɛ ne dwu mitini ko, na fa kpuyia nee mualɛ di nwolɛ gyima.