Mɔɔ Yɛbaha ye Magazine ne Anwo

The Watchtower Nov. 1

“Asoo ɛdwenle kɛ saa yɛbɛlɛ bɛ nwo aze kpalɛ a, ewiade ɛhye anu bayɛ anyelielɛ? [Maa ɔbua.] Yɛ mɔɔ Gyisɛse hanle ye wɔ subane ɛhye anwo la nzonlɛ. [Kenga Mateyu 23:12.] Edwɛkɛ ɛhye suzu nvasoɛ mɔɔ wɔ zo kɛ yɛkɛnyia mɛlɛbɛnwoaze bɔbɔ wɔ anyesesebɛ ewiade ɛhye anu la anwo.”

Awake! Nov.

“Dɛba ne ɛnee menli ta kpondɛ adehilelɛ fi Baebolo ne anu. Noko ɛnɛ menli dɔɔnwo ka kɛ bɛnlie bɛndo nu. Kɛzi ɛte nganeɛ wɔ nwolɛ ɛ? [Maa ɔbua. Akee kenga 2 Temɔte 3:16.] Awake! titile ɛhye fa daselɛ wienyi mɔɔ kile kɛ Baebolo ne vi Nyamenle sunsum nu la maa.”

The Watchtower Nov. 15

“Yɛ muala yɛkulo kɛ yɛ nye die wɔ ɛbɛlabɔlɛ nu. Ɛ nee mɔɔ Gyisɛse hanle kɛ ɔfa anyelielɛ ɔba la yɛ adwenle ɔ? [Kenga Mateyu 5:3. Akee maa ɔbua.] Magazine ɛhye kilehile kɛzi saa yɛdi ngyianlɛ mɔɔ yɛlɛ kɛ yɛsonle Nyamenle la anwo gyima a, ɔmaa yɛ ɛbɛlabɔlɛ gyinla kpɔkɛ zo la anu.”

Awake! Nov.

“Wɔ yɛ mekɛ ye mɔɔ abɔdeɛ nwo nrɛlɛbɛ nee kpolerazulɛ a wɔ nu la anu, menli dɔɔnwo dwenle kɛ Baebolo ne ɛkpa nwolɛ. Kɛzi ɛte nganeɛ wɔ nwolɛ ɛ? [Maa ɔbua.] Asoo ɛze kɛ Baebolo ne anu edwɛkɛ biala mɔɔ ka abɔdeɛ nwo nrɛlɛbɛ nwo edwɛkɛ la le nɔhalɛ? [Kenga Dwobu 26:7.] Awake! titile ɛhye fa ndelebɛbo wienyi mɔɔ ɔti yɛkola yɛdie Baebolo ne yɛdi la maa.”