Ɛzonlenlɛ Nyianu Ngyehyɛleɛ

Dapɛne Mɔɔ Bɔ Ɔ Bo September 10

Edwɛne 225

10 min: Asafo nu nolobɔlɛ. Fa nzuzulɛ mɔɔ wɔ mukelɛ 4 anzɛɛ gyɛne mɔɔ fɛta bɛ azɛlɛsinli ne la yɛ kɛzi bɛbava September 1 Watchtower yɛɛ nzuzulɛ mɔɔ lumua mɔɔ bɛbava bɛamaa September Awake! la anwo yɛkile. Wɔ ko biala anu, ɔwɔ kɛ bɛfa magazine nwiɔ ne bɛmaa, ɔnva nwo kɛ ko ala a bɛbaha nwolɛ edwɛkɛ la.

15 min: Kpuyia Ɛleka. Asafo nu kpanyinli nee tievolɛma adawubɔlɛ. Saa mekɛ wɔ nu a, kenga na suzu ngɛlɛlera mɔɔ wɔ nu la anwo.

20 min: “Di Gyisɛse Neazo ne Anzi.”a Maa tievolɛma ɛha kɛzi bɛnyia awie mɔ neazo kpalɛ zo nvasoɛ la anwo edwɛkɛ.

Edwɛne 130 nee asɔneyɛlɛ.

Dapɛne Mɔɔ Bɔ Ɔ Bo September 17

Edwɛne 60

10 min: Asafo nu nolobɔlɛ.

15 min: Duzu a Yɛyɛle wɔ Ɛkenle Ɛvolɛ ne A? Ɛzonlenlɛ gyima zo neavolɛ ka mɔɔ yɛyɛle wɔ ɛkenle ɛvolɛ ne la anwo edwɛkɛ, na ɔtwe adwenle ɔsie ninyɛne kpalɛ mɔɔ yɛyɛle wɔ ɛzonlenlɛ gyima ne anu la azo. Fa nganvolɛ mɔɔ fɛta la maa. Ka ɛleka ko anzɛɛ nwiɔ mɔɔ ɔhyia kɛ bɛbɔ nwolɛ mɔdenle wɔ ɛzonlenlɛ ɛvolɛ fofolɛ ne anu la anwo edwɛkɛ. Ka adekpakyelɛma gyimalilɛ ne anwo edwɛkɛ, na kanvo bɛ wɔ bɛ gyima kpalɛ ne anwo. Ka debie kpalɛ mɔɔ vi mɔdenle mɔɔ bɛbɔle kɛ bɛboa menli mɔɔ ɛyɛ bɛtɛɛ anu ɛra la anwo edwɛkɛ.

20 min: Mediema Mɔɔ Bɛyɛ Ko. Ɛdendɛlɛ nee tievolɛma adawubɔlɛ mɔɔ gyi Organized to Do Jehovah’s Will tile 16 azo la.

Edwɛne 74 nee asɔneyɛlɛ.

Dapɛne Mɔɔ Bɔ Ɔ Bo September 24

Edwɛne 162

10 min: Asafo nu nolobɔlɛ. Kenga ezukoa nwo mgbondabulɛ nee kɛlata mɔɔ kile kɛ Bɛtɛle asa ɛha ezukoa mɔɔ bɛvale bɛnwanle la.

15 min: Asafo nu ngyianlɛ.

20 min: Fa Ɛbanwu Bible ne Tract ne bɔ Baebolo Ɛzukoalɛ bo wɔ October. Yɛbava Watchtower nee Awake! magazine ne yɛamaa wɔ October. Ɛleka mɔɔ bɛkɛhile nwolɛ anyelielɛ la, bɛbahola bɛava Ɛbanwu Bible ne tract ne babɔ Baebolo ɛzukoalɛ bo. Saa bɛlɛ tract ne bie a, maa bɛmaa awie biala mɔɔ wɔ ɛkɛ la ko, na akee suzu nwolɛ sikalɛ. Kilehile nu kɛ bɛbahola bɛ nee suamenle ne azuzu tract ne amuala anzɛɛ ye foa bie anwo wɔ kenle mɔɔ lumua anzɛɛ mekɛ mɔɔ bɛkɛzia bɛkɛhɔ ɛkɛ la. Fa nzuzulɛ ne mɔɔ wɔ mukelɛ 4 anzɛɛ gyɛne mɔɔ fɛta bɛ azɛlɛsinli ne la, yɛ kɛzi bɛbava September 15 Watchtower ne nee nzuzulɛ mɔɔ tɔ zo nwiɔ mɔɔ bɛbava bɛamaa September Awake! la anwo yɛkile. Wɔ yɛkile ne ko anu, nolobɔlɛnli ne fa tract ne maa suamenle ne mɔɔ ɛkpo kɛ ɔkɛlie magazine ne la. Wɔ yɛkile bieko anu, suamenle ne die magazine ne wie a, nolobɔlɛnli ne fa tract ne maa ye, ɔ nee ye suzu mukelɛ 5 ne anwo, ɔka Baebolo ne Kilehile buluku ne anwo edwɛkɛ na ɔka kɛ ɔlɛsia yeara a ɔ nee buluku ne bara.

Edwɛne 222 nee asɔneyɛlɛ.

Dapɛne Mɔɔ Bɔ Ɔ Bo October 1

Edwɛne 88

10 min: Asafo nu nolobɔlɛ. Yɛ Belemgbunlililɛ Gyima ne anu nolobɔlɛ mɔɔ bɛkpa. Kakye nolobɔlɛma maa bɛva bɛ September daselɛlilɛ mgbondabulɛ bɛrɛla.

15 min: Ɔfese Kɛlata. Ɛdendɛlɛ nee tievolɛma adawubɔlɛ mɔɔ gyi kɛlata ne mɔɔ wɔ Yɛ Belemgbunlililɛ Gyima ɛhye mukelɛ mɔɔ wɔ ɔ nyunlu azo la.

20 min: “Ɔwɔ kɛ Yɛyɛ Dɔɔnwo wɔ Yɛ Ɛzonlenlɛ Gyima ne Anu.”b Fa mediema mrenya nee mraalɛ mɔɔ ɛlɛyɛ dɔɔnwo la edwɛkɛ boka nwo, na maa bɛhile kɛzi bɛlɛkɔ zo bɛakpondɛ ndenle bɛayɛ dɔɔnwo wɔ bɛ ɛzonlenlɛ gyima ne anu la. Ɛbahola wɔalumua wɔayɛ edwɛkɛ ko anzɛɛ nwiɔ anwo ngyehyɛleɛ.

Edwɛne 102 nee asɔneyɛlɛ.