Asoo Wɔ Amaneɛnwunlɛ Gyegye Nyamenle Ɔ?

Menli bie mɔ die di kɛ Nyamenle ɛnnwu yɛ amaneɛnwunlɛ ne yɛɛ ɔnvale ɔ nwo bɔbɔ.

DWENLE MƆƆ BAEBOLO NE KA LA ANWO

• Nyamenle nwu ye yɛɛ ɔdwenle yɛ nwo

  ‘Gyihova nwunle kɛ sonla amumuyɛyɛlɛ ne ɛyɛ kpole kpalɛ wɔ azɛlɛ ye azo . . . , ɔyɛle ye nyane somaa.’​—Mɔlebɛbo 6:5, 6.

• Nyamenle bamaa amaneɛnwunlɛ kɔsɔɔti avi ɛkɛ

  “Ɔnrɛhyɛ biala ɛnee amumuyɛnli ne abo zo ɛminli, ɛbahɔnlea ɛleka mɔɔ ɔwɔ la, na ɛnrɛnwu ye. Na bɛlɛvoma bava azɛlɛ ne ayɛ bɛ ɛdeɛ, na bɛ nye alie bɛ ɛkpazilɛ nwo.”​—Edwɛndolɛ 37:10, 11.

• Mɔɔ Nyamenle kulo kɛ ɛnyia la

  Gyihova se, “Medame a meze adwenle mɔɔ meva ye bɛ nwo a. Ɔnle adwenle ɛtane, ɔle adwenle kpalɛ mɔɔ bamaa bɛakpazi, bɛ tɛnlabelɛ nu ayɛ boɛ na bɛanyia anyelazo. Akee bɛbazonle me, na bɛara ɛke bɛarayɛ nzɛlɛlɛ, na mebadie bɛ.”​—Gyɛlɛmaya 29:11, 12.

  “Bɛbikye Nyamenle, na ɔbabikye bɛ.”—Gyemise 4:8.