Duzu A Baebolo Ne Ka a?

Asoo anzodwolɛ bara azɛlɛ ye azo ɔ?

Duzu a ɛbaha a?

• Ɛhɛe

• Kyɛkyɛ

• Bie a

Mɔɔ Baebolo ne ka la

Wɔ Gyisɛse Kelaese tumililɛ bo, ‘anzodwolɛ bara dahuu mekɛ mɔɔ ɛnlɛ awieleɛ.’​—Edwɛndolɛ 72:7.

Boni bieko a yɛsukoa yɛfi Baebolo ne anu a?

• Bɛbaye ɛtanevolɛma bɛavi azɛlɛ ne azo na kpalɛma “bava azɛlɛ ne ayɛ bɛ ɛdeɛ, na bɛ nye alie bɛ ɛkpazilɛ nwo.”​—Edwɛndolɛ 37:10, 11.

• Nyamenle baye konle avi ɛkɛ.​—Edwɛndolɛ 46:8, 9.

Asoo ɛnɛ yɛbahola yɛanyia anzodwolɛ?

Menli bie mɔ die di . . . kɛ yɛnrɛnyia nɔhalɛ anzodwolɛ wɔ ewiade mɔɔ ngyegyelɛ nee nzisi wɔ nu la anu. Kɛzi ɛdwenle nwo ɛ?

Mɔɔ Baebolo ne ka la

Ɛnɛ bɔbɔ, menli mɔɔ bikye Nyamenle la bɛanyia “anzodwolɛ ne mɔɔ bo ndelebɛbo muala azo la.”​—Felepaema 4:6, 7.

Boni bieko a yɛsukoa yɛfi Baebolo ne anu a?

• Nyamenle ɛbɔ ɛwɔkɛ kɛ ɔbaye amaneɛnwunlɛ nee nzisi yeavi ɛkɛ na yeayɛ “ninyɛne kɔsɔɔti fofolɛ.”​—Yekile 21:4, 5.

• Saa yɛdi yɛ “sunsum nu ngyianlɛ” nwo gyima a, yɛbanyia anzodwolɛ.”​—Mateyu 5:3.