SIA KƆKPƆLA
ƐZUKOALƐDEƐ 7
Mɔdenlebɔlɛ
Ngyinlazo: ‘Bɛhɔle zo bɛhilehilele na bɛhanle edwɛkpa ne mɔɔ bɛangyakyi a.’—Gyi. 5:42.
Mɔɔ Pɔɔlo Yɛle La
1. Nea VIDIO ne, anzɛɛ kenga Gyima ne 19:8-10. Akee suzu kpuya ɛhye mɔ anwo:
Kɛ anrɛɛ Pɔɔlo asa anu bado wɔ mekɛ mɔɔ menli bie dwazole tiale ye la, kɛzi ɔbɔle mɔdenle ɔboale menli mɔɔ anye liele edwɛkɛ ne anwo la ɛ?
Fane nyɛ a Pɔɔlo ziale hɔhilehilele menli mɔɔ anye liele edwɛkɛ ne anwo la ɛ, na ɔyɛle ye ɛvolɛ nyɛ?
Duzu A Yɛsukoa Yɛfi Pɔɔlo Ɛkɛ A?
2. Ɔwɔ kɛ yɛnyia mekɛ na yɛbɔ mɔdenle yɛyɛ sia kɔkpɔla kpalɛ, na yɛbɔ Baebolo ɛzukoalɛ bo.
Sukoa Pɔɔlo
3. Kɔkpɔla ahenle wɔ mekɛ mɔɔ baboa ye la. Biza ɛ nwo kɛ: ‘Mekɛ boni a mekɔ ye ɛkɛ a mebado ye a? Mekɛ boni a ɔbanyia mekɛ a, yɛɛ nienwu a ɔbahulo kɛ ɔ nee me babɔ adawu a?’ Saa mekɛ ne ɛnle kpalɛ ɛmmaa wɔ bɔbɔ a, bɔ mɔdenle kɔkpɔla ye.
4. Yɛ nwolɛ ngyehyɛleɛ. Ɛkɔkpɔla ye ko biala ɛwie a, biza ye mekɛ fɔɔnwo mɔɔ ɛbahola wɔara bieko la. Nea kɛ ɛbali ngyehyɛleɛ ne azo.
5. Nyia anyelazo. Mmanyia adwenle kɛ awie mɔɔ ɛnda ɛndo ye wɔ sua nu anzɛɛ ɔnda ɔnnyia alagye la anye ɛnlie edwɛkɛ ne anwo. (1 Kɔl. 13:4, 7) Bɔ mɔdenle kpondɛ ye, noko fa wɔ mekɛ ne di gyima kpalɛ.—1 Kɔl. 9:26.