Foa 10 Mukenye

Gyihova le Belemgbunli bedevinli. Ɔnea debie biala azo, na ɔbanlea debie biala azo dahuu. Kɛ neazo la, ɔliele Gyɛlɛmaya ɔvile kuma bie anu, yeammaa yeanwu. Ɔliele Hyeedelake, Mihyake yɛɛ Abɛdenɛgo ngoane ɔvile sendɔlɔra nu na ɔliele Daneɛle ɔvile awenade ne mɔ anloa anu. Gyihova bɔle Ɛseta anwo bane amaa yeahola yealie ye maanle ne amuala ngoane. Ɔnrɛmaa ɛtaneyɛlɛ ɛnrɛhɔ zo dahuu. Ananze kpole ne nee baka kpole ne anwo ngapezo ne mɔ maa yɛnwu kɛ ɔnrɛhyɛ Nyamenle Belemgbunlililɛ ne baye ɛtanelilɛ kɔsɔɔti avi ɛkɛ na yeali azɛlɛ ye azo tumi.