Foa 9 Mukenye

Foa ɛhye maa yɛnwu ngakula, ngapezoma yɛɛ arelemgbunli mɔɔ nyianle Gyihova anu diedi kpole la. Yizilayɛnli kakula raalɛ ekyi bie mɔɔ wɔ Selea la nyianle diedi kɛ Gyihova ngapezonli ne bahola ayɛ Neeyaman ayile. Ngapezonli Yilaehya nyianle Gyihova anu anwodozo kɛ ɔbabɔ ɔ nwo bane yeavi sogyama bie mɔɔ bɛle agbɔvolɛ la anwo. Ɛsɔfo Kpanyinli Gyɛhɔyada vale ye ngoane dole esiane nu bɔle kakula Dwowahye anwo bane vile ye nana Atalaya atisesebɛ ne anwo. Belemgbunli Hɛzikaya liele lile kɛ Gyihova balie Gyɛlusalɛm, ɔti yeammaa Aseleama ɛnwunlonwunlanlɛ ne anga ye ɛzulolɛ. Belemgbunli Dwosaya dule awozonle ɛzonlenlɛ bo vile Yizilayɛ, ɔyɛle ɛzonlenlɛsua ne boɛ na ɔmaanle Yizilayɛma ziale zonlenle Gyihova nɔhalɛ nu.