Bɛdiele Seetan La—Duzu A Vi Nu Rale A?

Adam nee Yive andie Nyamenle, ɔti bɛwule. Gyɛnɛsese 3:6, 23

Yive diele ɛwɔlɛ ne na ɔlile baka ne ma ne bie. Nzinlii, ɔvale bie ɔmaanle Adam na ɔdaye noko ɔlile.

Mɔɔ bɛyɛle la ɛnle kpalɛ​—ɔle ɛtane. Nyamenle maanle bɛvile bɛ Paladaese awuke ne anu.

Ɛbɛlabɔlɛ ne yɛle se maanle bɛ nee bɛ mra. Bɛyɛle mgbanyinli na bɛwule. Bɛangɔ sunsum nu ewiade bie anu; ɛnee bɛnde aze bieko.

Menli mɔɔ ɛwu la le kɛ ndɛtɛlɛ mɔɔ ngoane ɛnle nu la. Gyɛnɛsese 3:19

Yɛwu ɔluakɛ yɛ muala yɛvi Adam nee Yive anu. Mowuamra ɛnnwu debie, bɛnde edwɛkɛ, yɛɛ bɛngola bɛnyɛ debie biala.​—Nolobɔvo 9:5, 10.

Gyihova ambɔ sonla kɛ ɔwu. Ɔnrɛhyɛ ɔbadwazo mowuamra yeara ngoane nu bieko. Saa bɛtie ye a, bɛbadɛnla aze dahuu.