Kɛzi Ɛnee Paladaese Asetɛnla Ne De Ɛ?

Gyihova maanle Adam nee Yive ninyɛne mgbalɛ dɔɔnwo. Gyɛnɛsese 1:28

Gyihova bɔle raalɛ mɔɔ limoa la, Yive, na ɔvale ye ɔmaanle Adam kɛ ɔ ye.​—Gyɛnɛsese 2:21, 22.

Gyihova bɔle bɛ la, ɔmaanle bɛ adwenle nee nwonane mɔɔ di munli mɔɔ sinlidɔlɛ biala ɛnle nu a.

Ɛnee bɛ Paladaese awuke ne a le Yidɛn tola ne​—ɛleka kɛnlɛma kpalɛ mɔɔ azule nee mbaka mɔɔ so ma yɛɛ nane ngakyile wɔ la.

Gyihova nee bɛ dendɛle; ɔhilehilele bɛ. Saa bɛdiele ye a, anrɛɛ bɛbadɛnla aze dahuu wɔ Paladaese azɛlɛ zo.

Nyamenle hanle kɛ bɛmmadi baka ko bie ma ne bie. Gyɛnɛsese 2:16, 17

Gyihova hilele Adam nee Yive baka bie mɔɔ so ma wɔ tola ne anu la, na ɔzele bɛ kɛ saa bɛdi ye ma ne bie a bɛbawu.

Anwumabɔvolɛ ne mɔ ko dele Nyamenle anwo atua. Anwumabɔvolɛ amumuyɛ zɔhane a le Seetan Abɔnsam.

Ɛnee Seetan ɛngulo kɛ Adam nee Yive tie Gyihova. Yemɔti ɔluale ɛwɔlɛ nwo zo ɔhanle ɔhilele Yive kɛ saa ɔdi baka zɔhane ma ne bie a, ɔnrɛwu, emomu, ɔbayɛ kɛ Nyamenle la. Nɔhalɛ nu, ɛnee ɔlɛbɔ adalɛ.​—Gyɛnɛsese 3:1-5.