Ayezaya
61 Tumivolɛ Awulae Gyihova sunsum ne wɔ me nwo zo,+
Ɔluakɛ Gyihova kpokpale me kɛ menga edwɛkpa mengile bɛlɛvoma.+
Ɔzoanle me kɛ membankyekye ahonle mɔɔ ɛbubu la,
Kɛ membambɔ fanwodi nwo nolo mengile menli mɔɔ wɔ akɛlɛzonlenlɛ nu la
Na membuke menli mɔɔ gua efiade la anye.+
2 Yezoa me kɛ membambɔ Gyihova ɛlolɛ* mekɛ ne
Nee yɛ Nyamenle ne nzenralɛlilɛ kenle ne nolo,+
Na menkyekye menli mɔɔ ɛlɛdi nyane la kɔsɔɔti arɛle.+
3 Yezoa me kɛ memaa bɛdabɛ mɔɔ bɛlɛdi Zayɔn anwo nyane la abotile
Na bɛgyakyi kɛ bɛkɛbɔ bɛ ti zo nzonle,
Kɛ memaa bɛ fɛlɛkolilɛ nwole na bɛgyakyi nyanelilɛ,
Kɛ memaa bɛ ayɛlɛyelɛ tɛladeɛ na bɛgyakyi kɛ bɛkɛmaa bɛ rɛle kɛbɔ.
4 Bɛbakyekye tete azua mɔɔ ɛzɛkye la bieko;
Bɛbasisi tete azua mɔɔ ɛgologolo ɛgua la bieko,+
Bɛbayɛ azuamgbole mɔɔ ɛbubu
Yɛɛ ɛleka mɔɔ ɛdɔ mgbane ɔvi awolɛndoazo zo kɔdwu awolɛndoazo zo la boɛ.+
7 Bɛnrɛbɔ anyiemgba, emomu bɛbanyia kyɛfoa mɔnwo nwiɔ,
Yɛɛ bɛ nyunlu ɛnrɛgua aze, emomu bɛbali bɛ kyɛfoa ne anwo fɛlɛko.
Bɛbanyia agyapadeɛ mɔnwo nwiɔ wɔ bɛ azɛlɛ ne azo.+
Bɛbali fɛlɛko dahuu.+
Mebadua bɛ kakɛ nɔhalɛ nu,
Na me nee bɛ ayɛ dahuu ngyekyeleɛ.+
9 Bɛbanwu bɛ mra wɔ maanle maanle ne anu+
Yɛɛ bɛ bo zo amra wɔ menli ne anu.
Menli kɔsɔɔti mɔɔ kɛnwu bɛ la
Banwu kɛ bɛle mralɛ mɔɔ Gyihova ɛyila bɛ.”+
10 Me nye balie kpole wɔ Gyihova anu.