Okweijutsya eby’Eishomero ry’Obuheereza

Ebiri omu 2 Abagabe 13:18, 19 nibyoreka bita obukuru bw’okuheereza Ruhanga n’obweziriki hamwe n’omutima gwaitu gwona? [Seput. 7, w10-E 4/15 rup. 26 kacw. 11]

N’oha owaabaire ari omugabe wa Israeli obu Yona yaabaire naaheereza nka nabi, kandi kurugiirira aha biri omu 2 Abagabe 14:23-25, obuheereza bwa Yona nibutwegyesa ki? [Seput. 7, w09-E 1/1 rup. 25 kacw. 4]

Ahazi akooreka ata ngu tareesigire ebigambo by Ruhanga kurabira omu nabi Isaaya, kandi nitubaasa kwebuuza kibuuzo ki twaba twine ebikuru ebi turikwenda kucwamu? (2 Bag. 16:7) [Seput. 14, w13 11/1 rup. 18 kacw. 5]

Rabushaake akakoresa mutego ki ogurikukoresibwa abarikuhakanisa abaheereza ba Ruhanga obunaku obu, kandi nimutwarize ki ogurikubaasa kutuhwera kubangira? (2 Bag. 18:22, 25) [Seput. 14, w10 7/15 rup. 13 kacw. 3-4]

Eky’okureeberaho kya Yosia eky’okuba omucureezi nikibaasa kutuhwera kita kwongyera kugasirwa omu kushoma Baibuli n’omu kweshomesa? (2 Bag. 22:19, 20) [Seput. 21, w00-E 3/1 rup. 30 kacw. 2]

Ebijumbwirwe nibihamya bita ngu abagabe babiri abarikugambwaho omu 2 Abagabe 25:27-30 bakabaho? [Seput. 28, w12-E 6/1 rup. 5 kacw. 2-3]

Ni bintu ki bishatu ebi Yabezi yaashabire Yehova, kandi eki nikitwegyesa ki aha bikwatiraine n’okushaba? (1 Bus. 4:9, 10) [Okit. 5, w10-E 10/1 rup. 23]

Ebyarugire omu rugamba orurikugambwaho omu 1 Obusingye 5:18-22 nibitugaruramu bita amaani omu rugamba rwaitu rw’eby’omwoyo? [Okit. 12, w05-E 10/1 rup. 9 kacw. 7]

Daudi akabaasa ata kwetegyereza ekiragiro kya Yehova ekirikugamba aha shagama nk’erikwera n’okugiha ekitiinisa, kandi eky’okureeberaho kya Daudi nikituhiga kukora ki? (1 Bus. 11:17-19) [Okit. 19, w12-E 11/15 rup. 6-7 kacw. 12-14]

Niki eki Daudi atarakozire obu yaabaire naareeta eshanduukye ya Ruhanga omuri Yerusaalemu kandi ekyo nitukyegaho ki? (1 Bus. 15:13) [Okit. 26, w03-E 5/1 rup. 10-11 kacw. 11-13]