Noogyendera aha Kigambo kya Ruhanga omu Bi Orikukora?

Okushoma Baibuli butoosha nikibaasa kutuhwera ‘kutsimba emizi n’okuhama omu kwikiriza.’ (Kol. 2:6, 7) Kwonka, Ekigambo kya Ruhanga kubaasa kutuhwera, twine kuguma nituteekateeka aha bi twashoma kandi tukagyendera aha misingye erimu. (Heb. 4:12; Yak. 1:22-25) Ebiri omu Yoshua 1:8 nibyoreka ebintu bishatu ebirikubaasa kutuhwera omu kushoma Baibuli: (1) Shoma Ekigambo kya Ruhanga “nyomushana na nyekiro.” (2) Shoma kandi “ogume nookiteekateekaho,” ekirikumanyisa ngu twine kushoma omu muringo ogurikutubaasisa kuteekateeka aha bi turikushoma hamwe n’oku birikutukwataho. (3) Teeraho ‘kuhitsya byona ebihandiikirwemu.’ Twagyendera aha buhabuzi obu nikiija kutubaasisa kutunga omugisha omu bi turikukora byona.