Taho Obwire bw’Okwega Ahari Ruhanga

Waataho obwire bw’okwega ebirikukwata ahari Ruhanga, embeera yaawe neija kuba nungi. Waakora ekyo, noija kuba noofayo aha kyetengo kyawe ky’eby’omwoyo. Yetegyereze ebi Yesu yaagambire aha nshonga egi.

Ebi Yesu yaagambire

Baine okushemererwa abarikufayo aha kyetengo kyabo eky’eby’omwoyo.—Matayo 5:3.

• Twena nitwenda kumanya eby’okugarukamu by’ebibuuzo nk’ebi: Ekigyendererwa ky’okugira amagara niki? Ahabw’enki hariho okubonabona kwingi? Niki ekirikubaho omuntu yaafa? Kubaasa kushemererwa, twine kutunga eby’okugarukamu by’ebibuuzo ebi.

“Omuntu tatungwa by’okurya byonka, kureka n’ekigambo kyona ekiruga omu kanwa ka [Yehovaa] Ruhanga.”—Matayo 4:4.

• Nk’oku twine ekyetengo ky’okutunga eby’okurya by’omubiri, twine n’eky’okutunga eby’okurya by’omwoyo. Yesu akakyoreka gye ngu twine kwesiga Ruhanga kubaasa kuhaazya ekyetengo kyaitu ky’eby’omwoyo.

“Ekigambo kyawe nigo mazima.”—Yohaana 17:17.

• Yesu akooreka ngu Ruhanga naakoresa Ekigambo kye Baibuli, nk’omuringo mukuru gw’okuhaazya ekyetengo kyaitu ky’eby’omwoyo.

Nitukuhiga kutunga okushemererwa kw’obutwire orikutaho obwire bw’okumanya Ruhanga n’okuhaazya ekyetengo kyawe ky’eby’omwoyo. Ebi n’ebintu ebirikubaasa kukuhwera kukikora:

• Shoma Baibuli otashashwire.

• Shaba kwegyesibwa Baibuli omwe aha Bajurizi ba Yehova ahabwa busha.