Niki Ekirikukirayo Obukuru Ahariinye?

Yakobo akafukaana na maraika ahabw’ekintu kikuru munonga​—omugisha kuruga ahari Yehova. (Kut 32:24-31; Hos 12:3, 4) Kandi shi itwe? Nituteeraho kworobera Yehova kugira ngu atuhe omugisha? Nk’eky’okureeberaho, twaba twine kucwamu kuza omu nteerane nari kwongyera aha shaaha ezi turikumara omu mirimo y’okwebaisaho, nitucwamu tuta? Twaha Yehova obwire bwaitu, amaani gaitu n’ebintu byaitu, naatuha ‘omugisha nitubura ah’okuguta.’ (Mal 3:10) Naija kutwebembera, aturinde, kandi atuhe ebi turikwetenga.​—Mat 6:33; Heb 13:5.

MUREEBE VIDIYO GUMA OTAIRE OMUTIMA AHA BIGYENDERERWA BY’OMWOYO, BWANYIMA MUGARUKYEMU EBIBUUZO EBI:

• 

  Munyaanyazi-itwe akagyezibwa ata ekintu eki arikukunda?

• 

  Omurimo gwaitu nigubaasa kuba guta ekigyezo ahariitwe?

• 

  Ahabw’enki Timoseo yaabaire aine kuguma naayeteeraho ebigyendererwa n’obu araabe yaabaire yaatunguukire omu by’omwoyo?​—1Tim 4:16

• 

  Nitubaasa kworeka tuta ‘omurimo gwaitu omukuru’?