EBY’OMUHENDO EBIRI OMU KIGAMBO KYA RUHANGA | OKUTANDIKA 32-33

Noofukaana Kutunga Omugisha?

32:24-28

Kubaasa kutunga omugisha kuruga ahari Yehova, twine kuteeraho kuhamya ngu okumuheereza nikyo kirikukirayo obukuru ahariitwe. (1Kor 9:26, 27) Twaba nituheereza Yehova, twine kuteeraho kugira emiteekateekyere nk’eya Yakobo obu yaafukaana na maraika. Nitworeka ngu nituteeraho kutunga omugisha kuruga ahari Yehova . . .

Turikutebeekanisiza gye enteerane
Turikwejumba omu kubuurira butoosha
Turikuteeraho kuhwera abandi omu kibiina

Ebishushani: Munyaanyazi-itwe oine bingi by’okukora. 1. Arikushaba atakatandikire emirimo ye. 2. Arikuriisa omwana atakagyeire omu kubuurira. 3. Ari omu kubuurira n’abahara babiri n’abandi banyaanyazi-itwe ab’omu kibiina kye ashemereirwe.

N’obu embeera zaawe zaakuba zigumire munonga, shaba Yehova butoosha kukuhwera kandi oteereho kutunga omugisha orikumuheereza nk’oku orikubaasa.

YEBUUZE OTI: ‘Ni mu mbeera ki ahu ndikubaasa kwongyeramu amaani omu kuteeraho kutunga omugisha kuruga ahari Yehova?’