Bahige Kutandika Kwegyesa Abantu Baibuli aha Rwamukaaga Orurikubanza

Kutandika Mei 2011, ababuurizi bakahigwa kutandika kwegyesa abantu Baibuli aha Rwamukaaga orurikubanza omu kwezi. Okutuhwera kukora ekyo, ekicweka ekirikwizira omu Watchtower ei okukoresa omu kubuurira ekiine omutwe “Ebibuuzo aha by’Omu Baibuli Nibigarukwamu” kitebeekanisiibwe. N’ahabw’ekyo, omu ruteerane rw’okwetebeekanisa kuza kubuurira aha Rwamukaaga orurikubanza omu kwezi mworekye oku ekicweka eki kirikubaasa kukoresibwa omu kutandika kwegyesa abantu Baibuli kandi mugire n’eky’okureeberaho.

Abareeberezi nibabaasa kucwamu ngu buri guruupu eteerane yonka aha Rwamukaaga orurikubanza omu kwezi nari bacwamu ngu guruupu zoona ziteeranire hamwe aha Kyombeko ky’Obukama. Kwonka, Ekyombeko ky’Obukama kyaba nikikoresibwa ebibiina bingi, tihaine ekibiina ekishemereire kuhindura eizooba ry’omutaano ery’okutandika kwegyesa abantu Baibuli, ahabw’okwenda ngu guruupu zoona zibaase kuteeranira hamwe.