Okweijutsya eby’Eishomero ry’Obuheereza

Ebibuuzo ebiri ahaifo nibiija kugarukwamu omu Eishomero ry’Obuheereza, omu saabiiti erikutandika Agusto 26, 2013. Ebiro obu buri nshonga eraabe neegambwaho nibyorekwa, kugira ngu tuzicondoozeho twaba nitwetebeekanisiza eishomero buri saabiiti.

1. Omugabe Heroode okwikiriza abantu kumuha ekitiinisa n’okuhimbisibwa ebyabaire bitamushemereire, nitukyegaho ki? (Byak. 12:21-23) [Gyur. 1, w08-E 5/15 rup. 32 kacw. 7]

2. Abakristaayo abakiri eminyeeto nibabaasa kugasirwa bata bagyendera aha ky’okureeberaho kya Timoseo? (Byak. 16:1, 2) [Gyur. 8, w08-E 5/15 rup. 32 kacw. 10]

3. Akula na Priskila bwanyima y’okuhurira Apolo ‘naabuurira n’obumanzi’ omuri sinagogi ey’omuri Efeso, baakamuhwera bata? (Byak. 18:24-26) [Gyur. 15, w10-E 6/15 rup. 11 kacw. 4]

4. Ni misingye ki y’omu Byahandiikirwe ei Abajurizi ba Yehova barikukuratira baaba bari omu eiramuriro ry’emanja kurinda obugabe bwabo bw’okubuurira? (Byak. 25:10-12) [Gyur. 22, bt-E rup. 198 kacw. 6]

5. Entumwa Paulo akateeraho ata kugumizamu naabuurira n’obu araabe yaabaire ari omu kihome eky’omuri Rooma, kandi omu bunaku obu abaheereza ba Yehova nibamutooreza bata? (Byak. 28:17, 23, 30, 31) [Gyur. 29, bt-E rup. 215-217 kacw. 19-23]

6. Ahabw’enki Baibuli neegira ngu ebikorwa by’obutiingwa ti by’obuhangwa kandi n’ebirikunugwa? (Rom. 1:26, 27) [Aug. 5, g-E 1/12 rup. 28 kacw. 7]

7. Ekitambo eki Yesu yaahaireyo omu 33 CE, nikibaasa kita kwihaho ebibi ebyakozirwe kitakahairweyo? (Rom. 3:24, 25) [Agu. 5, w08-E 6/15 rup. 29 kacw. 6]

8. Yehova atutereireho ki kutuhwera twaba turi omu buremeezi kandi tutarikumanya eki tushemereire kushaba? (Rom. 8:26, 27) [Agu. 12, w08-E 6/15 rup. 30 kacw. 10]

9. Nikimanyisa ki ‘okwezirika kukunira abagyenyi’? (Rom. 12:13) [Agu. 19, w09-E 10/15 rup. 5-6 kacw. 12-13]

10. Okurugiirira aha buhabuzi bw’entumwa Paulo, Yesu Kristo nitubaasa kumujwara tuta? (Rom. 13:14) [Agu. 26, w05-E 1/1 rup. 11-12 kacw. 20-22]