Okwingana omu Rangi n’Ekirooto Burooto?​—Baibuli Neegamba Ki?

Abantu baingi nibareeba ngu okwingana omu rangi n’ekirooto ekitabaasise kuhikiirira.

• “Okushoroora omu rangi ni nk’obutwa obutaahire omu bigombe, ebibiina by’abantu, n’omu bantu baabutoosha. Nikugumizamu kureetera abantu kutwarizana omu muringo gw’obutaingana.”—Bikagambwa António Guterres, Omuhandiiki Omukuru owa UN.

Okwingana omu rangi shi nikiija kubaho? Baibuli neegamba ki?

Oku Ruhanga arikureeba okwingana omu rangi

Baibuli neetumanyisa oku Ruhanga arikureeba abantu b’erangi zitarikushushana.

• “[Ruhanga] akahanga amahanga goona ag’abantu, naabakomoora aha muntu omwe, ngu batuure omu nsi yoona.”—Ebyakozirwe 17:26.

• ‘Ruhanga tarikushoroora mu bantu, kureka omu mahanga goona orikumutiina, akakora eby’okuhikiirira, ogwo niwe arikusiima.’—Ebyakozirwe 10:34, 35.

Baibuli neeyoreka ngu abantu boona baine obukomooko bumwe, kandi ngu Ruhanga naasiima abantu b’erangi zoona.

Oku okwingana omu rangi kuraabeho

Obukama bwa Ruhanga, gavumenti ey’omu iguru nibwo buraareeteho okwingana omu rangi. Gavumenti egi neija kwegyesa abantu oku baine kutwariza abandi omu muringo oguhikire. Abantu nibaija kwega oku baine kweihamu enyehurira zoona ez’okushoroora ezi barikubaasa kuba baine.

• ‘Abatwire [omu nsi nibaija] kwega eby’okuhikiirira.’​—Isaaya 26:9.

• ‘Eki okuhikiirira kurikwija kureeta n’obusingye, kandi ekirikwija kuruga omu kuhikiirira n’okutuuza [n’oburinzi] ebiro byona.’—Isaaya 32:17.

Hati, obukaikuru bw’abantu bariyo nibeega omu Baibuli oku baine kutwariza bagyenzi baabo omu muringo gw’ekitiinisa.

• Okwega ebirikukiraho, shoma Awake! eine omutwe “Is There a Cure for Prejudice?”

• Shoma ekicweka, “Talking to Children About Racism” kumanya oku abazaire barikubaasa kugaaniira aha nshonga egi omu maka gaabo.