Ba Omwesigwa Kandi Emanzi nka Benaaya

Benaaya akaba ari omurwani emanzi, kandi akaheereza omu butegyeki bw’Omugabe Daudi na Sulemaani. N’obu araabe yaabaire ari mutabani w’omunyamurwa, kandi atarikukira kukoresa ebirwaniso, akeejumba omu ntaro za Yehova. Akooreka obumanzi bw’amaani. Nk’eky’okureeberaho, akaitira entare omu kiina, kandi yaasingura Omunyamisri owaabaire ari omurwani w’amaani. Daudi akeesiga Benaaya munonga yaamuhindura mukuru w’abarinzi be.—2 Sam. 23:​20-23.

Benaaya akaguma ahamiire ahari Daudi obu Abusalomu na Adoniya baagoma. (2 Sam. 8:18; 15:18; 1 Bag. 1:8) Obu Daudi yaabaire ari omu myaka ya bukuru, Benaaya akaba omwe aha baashagikire Sulemaani kwemekwa nk’Omugabe. (1 Bag. 1:​32-40) Buzima, Benaaya akaguma ari omwesigwa ahari Yehova n’abu yaabaire atooraine, n’obu abandi baaremirwe kukikora.

Naitwe nitwetenga obumanzi kurwanisa Sitaane omuzigu waitu ow’amaani n’abashagiki be. Kandi twine kumariirira kugumizamu nitugyendera aha mitindo ya Yehova. (Efe. 6:11; 1 Pet. 5:​8, 9) N’obu abandi baakucwamu kuruga ahari Yehova, itwe nitumuhamiraho omu bwesigwa twine obwesigye ngu naija kutushumbuusha.—2 Sam. 22:26.