Okuteera Ebishushani Nikukuhwera Kwijuka

Nka baingi ahariitwe noobaasa kuba noogumirwa kwijuka ebi orikwega. Kwonka shi waareebire oku kyorobi kwijuka eby’okureeberaho ebi Yesu yaakoreise? Noobaasa kuteera akashushani kaabyo omu biteekateeko byawe, kandi ekyo nikikuhwera kubiijuka. Nikyo kimwe, noobaasa kuguma noijuka ebi orikwega orikuteebereza oku embeera ziraabe ziri. Ekyo noobaasa kukikora ota? Waateera ebishushani orikweyegyesa.

Abantu abarikuteera ebishushani by’ebintu bisya ebi baayega, nibakira kubiijuka gye. Ekyo nikibahwera kwetegyereza ebigambo, n’okwijuka enshonga enkuru ezi baayega. Ebishushani ebyo nibibaasa kutaba nk’eby’abakugu, kureka ebyanguhi kuteera, kandi ebyorobi kwetegyereza. Okucondooza nikworeka ngu akakoryo aka nikagasira munonga abantu abakuzire omu myaka.

Omurundi ogundi waaba nooyeyegyesa, noobaasa kuteera ebishushani bya bimwe ebi waayega. Noija kutangaarira obwingi bw’ebi orikwijuka!