Twara Omukago Gwawe na Yehova nk’Ogw’omuhendo

Abajurizi ba Yehova twine omugisha gw’omutaano. Ahabw’okugira ngu turi Abakristaayo abeehaireyo kandi ababatiziibwe, nituteeraho kugira omukago guhami na Ruhanga ow’Obushoboorozi bwona Yehova. Atweyiriize haihi kurabira omu Mwana we. (Yoh 6:44) Naahurikiza okushaba kwaitu.​—Zab 34:15.

Nitubaasa kurinda tuta omukago gw’omuhendo ogu twine na Yehova? Twine kwetantara kukora ebintu bibi ebi Abaisraeli baakozire. Bwanyima y’okukora endagano na Yehova, bakakora ekishushani ky’enimi baatandika kukiramya. (Kur 32:7, 8; 1Kor 10:7, 11, 14) Nitubaasa kwebuuza tuti: ‘Naayohibwa kukora ekigwire, nintwaza nta? Ebikorwa byangye nibyoreka ngu nintwara omukago gwangye na Yehova nk’ogw’omuhendo?’ Rukundo y’amaani ei twiniire Tataitwe ow’omu iguru neeza kutuhwera kwetantara ebintu ebi arikwanga.​—Zab 97:10.

MUREEBE VIDIYO RINDA OMUKAGO GWAWE NA YEHOVA (KOL 3:5), REERO MUGARUKYEMU EBIBUUZO EBI:

• Omururu niki?

• Ahabw’enki tushemereire kwetantara omururu n’okuramya ebishushani?

• Obushambani bwine kakwate ki n’okuramya ebishushani?

• Ahabw’enki abaine obujunaanizibwa omu kibiina kya Ruhanga baine kufayo aha byetengo by’abu bari nabo omu bushwere?