EBY’OMUHENDO EBIRI OMU KIGAMBO KYA RUHANGA | OKURUGA 31-32

Mwetantare Okuramya Ebishushani

32:1, 4-6, 9, 10

Abaisraeli bakatandika kuramya ebishushani ahabw’okugira ngu bakareeba Abanyamisri barikubiramya. Obunaku obu, okuramya ebishushani nikubaasa kubaho omu miringo mingi, emwe neebaasa n’okutarahuka kumanywa. N’obu turaabe tutarikubaasa kuramya ebishushani butunu, nitubaasa kubiramya twikiriza ebyetengo byaitu kutuhuzya tukaremwa kuramya Yehova n’omutima gwaitu gwona.

Ebishushani: Ab’eka emwe barikwejumba omu bi barikukora obutoosha. 1. Omushaija arikukora obwire bwingi arikubiija. 2. Omwojo arikuzaana emizaano ya vidiyo. 3. Omukazi arikugura ebintu omu duuka.

Ni bintu ki ebirikubaasa kumpuzya nkaremwa kuramya Yehova, kandi nimbaasa kurekyera aho nta kubitwara nka bikuru okukira okuheereza Yehova?