Niki Ekirikwetengyesa Kubaasa Kukuratira Yesu?

9:62

Omuhingi kubaasa kuhinga entabire nungi, akaba ataine kuhugibwa ebiri enyima ye. Okushushana n’ekyo, Omukristaayo tashemereire kwikiriza kuhugibwa ebintu ebi yaatsigire enyima.​—Fil 3:13.

Twahikwaho oburemeezi, kyorobi kuteekateeka aha bi twabaire nitutwara nk’ebirungi ebi twatsigire enyima. Twakora tutyo, nituba nibyo twataho omutima tweebwa oburemeezi obu twabaire twine. Ekyo nikyo Abaisraeli baakozire bwanyima y’okuruga Misri. (Kub 11:5, 6) Twaguma nituteekateeka aha by’enyima, nitubaasa kugaruka tukore ebi twabaire nitukora. Ka nikiba kiri kirungi kuteekateeka aha migisha ei twine obunaku obu kandi tukata omutima aha birungi ebiraije kubaho Obukama bwa Ruhanga bwaba nibutegyeka!​—2Kor 4:16-18.