EBI ABAKRISTAAYO TWINE KUKORA
Mubeho Ahabw’Okuhimbisa Yehova!
Amagara n’ekiconco ky’omuhendo. Oku turikukoresa ekiconco eki buri izooba nikworeka oku turikukisiima. Itwe Abajurizi ba Yehova, nituteeraho kukoresa etalanta zaitu, emyoga yaitu n’okubaasa kwaitu kuha Yehova ekitiinisa n’okuhimbisa. (Zab 36:9; Kush 4:11) Kwonka, ebirikwerarikiriza buri izooba omu nsi egi embi nibibaasa kuza omu mwanya gw’eby’omwoyo. (Mak 4:18, 19) Buri omwe naabaasa kwebuuza ati: ‘Buzima nimpa Yehova ekirikukirayo oburungi? (Hos 14:2) Omurimo gwangye nigukwata guta aha ku ndikuheereza Yehova? Ebigyendererwa byangye by’eby’omwoyo ni biiha? Nimbaasa kwongyera nta aha buheereza bwangye?’ Waareeba ahu oine kwongyeramu amaani, shaba Yehova kukuhwera kandi okore empindahinduka ezirikwetengyesa. Hatariho kubanganisa, okuhimbisa Yehova buri izooba nikireeta okumarwa n’okushemererwa!—Zab 61:8.
Etalanta zaawe noozikoresa kuheereza oha?
YOREKA VIDIYO KORESA ETALANTA YAAWE KUHIMBISA YEHOVA, REERO MUGARUKYEMU EBIBUUZO EBI:
Ahabw’enki kitari ky’obwengye kukoresa etalanta zaitu kukorera ensi ya Sitaane? (1Yoh 2:17)
Abarikuha Yehova ebirikukirayo oburungi nibatunga migisha ki?
Ni mu buheereza ki oburikwera ahu orikubaasa kwehayo kukoresa etalanta zaawe n’emyoga yaawe?